गर्भवती र सुत्केरीलाई आत्मसम्मान सामग्री


प्रकाशित मिति :2015-05-31 11:00:19

चीना थापा

सिन्धुली, जेठ १७ । संयुक्त राष्ट्रसंघ जनसंख्याकोष (युएनएफपिए) र जिल्ला स्वास्थ्य कार्यालय सिन्धुलीले भूकम्प पीडित सीतलपार्टीका गर्भवती तथा सुत्केरीहरूलाई आत्मसम्मान सामग्री वितरण गरेको छ ।

आत्मसम्मान सामग्रीमा साडी, सल, पेटीकोट, सुतिको कपडा, सावुन, ब्रस, पेष्ट, चोलो, सुईटर, म्याक्स, टर्च लाइट, काइयो र भित्री कपडा रहेको जिल्ला स्वास्थ्य कार्यालय सिन्धुलीका प्रमुख सुरेन्द्र चौरासियाले जनाकारी दिनुभयो । सीतलपार्टी गाविसमा पाँच सय गर्भवती तथा सुत्केरी आमाहरू रहेका छन् ।

महिलालाई आत्मसम्मानका सामग्री संयुक्त राष्ट्रसंघ जनसंख्या कोषका नेपाल उप–आवासीय प्रतिनिधि क्रिष्टीनले वितरण गरेकी हुन् ।

सीतलपार्टीलाई राज्यले भूकम्पको उच्च जोखिममा रहेको गाविस भनेको छ । संयुक्त राष्ट्रसंघ जनसंख्या कोष कार्यक्रमका उप–आवासीय प्रतिनिधि क्रिष्टीनले विपत्तिमा परेका महिलालाई सहयोग गर्नु कोषको मानविय दायित्व भएको बताउनु भयो ।
भूकम्प प्रभावित गर्भवती र सुत्केरी आमालाई मनोविमर्श पनि युएनएफपिएले दिएको छ ।

युएनएफपिएले भूकम्पबाट अति प्रभावित बस्तीतुर र हरिहरपुर गढी गाविसका ५ सय ३४ जना महिलालाई सामग्री
तथा स्वास्थ्य सेवा प्रदान गरेको जिल्ला कार्यक्रम संयोजक सञ्जय शर्माले जानकारी दिनुभयो ।

राहत सामग्री पाएपछि भूकम्प पीडित सुत्केरी तथा गर्भवती महिलाले भने ‘भूकम्पले घरमा सबै कपडा पुरिएको थियो । हामीलाई आवश्यक पर्ने कपडा संस्थाले दियो, धेरै खुसी छौँ ।’

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: