दिदीबहिनीले टहरा बनाएपछि


प्रकाशित मिति :2015-05-31 14:45:20

चीना थापा

11209555_1569543596627157_2183639505811267020_n

काठमाडौं, जेठ १७ । बुढानिलकण्ठ नगरपालिका ३ की चन्द्रावती नगरकोटीलाई अबको वर्षात् कसरी कटाउने भन्ने चिन्ताले निकै सताएको थियो । वैशाख १२ गते गएको विनासकारी भूकम्पले घर पूर्णरुपमा ध्वस्त भएपछि उनलाई बासको चिन्ताले सताएको हो । भूकम्पले पुरिदिएको घरको आधा सामान मात्र निकालेको नगरकोटीले बताईन् ।
देवरका दुई छोरा र आफ्ना चार सन्तानको पालन पोषण गरेर बसेकी नगरकोटीलाई बस्ने बास कसरी बनाउने र नानीबाबुलाई कसरी सुरक्षित राख्ने भन्ने चिन्ताले दिनहुँ जसो सताईरहन्थ्यो ।
अब त्यो चिन्ता छैन उनलाई ।

अखिल नेपाल महिला संघले अस्थायी टहरा निर्माण गर्दिएपछि नगरकोटी निकै खुसी छन् । संघले उनको अस्थायी घर जस्तापाता लगाएर निर्माण गरिदिएको छ ।
मुस्कीलले पाएको एउटा त्रिपाल पनि हावाहुरीले च्यातिदिएपछि उनीको परिवारले झनै समस्या भोग्नु परेको थियो । उनले भनिन् ‘दिदीबहिनी आएर बस्ने बास बनाई दिनुभयो । धेरै खुसी छु । बस्ने ठाउँ भयो । अरु कुरा विस्तारै जुटाउला । अहिलेसम्म राहतको चामल खाईरहेका छौँ ।’

c
सोही ठाउँकी गीता नगरकोटीको पनि समस्या उस्तै थियो, भूकम्पले घर भत्किएपछि अब कहाँ बस्ने ? त्रिपालले थेक्दैन् । हावाहुरी आउन वित्तिकै त्रिपाल उडाईदिन्थ्यो । घर बनाउन सक्ने अवस्था थिएन् ।
अहिले उनी पनि यो चिन्ताबाट मुक्त छिन् । टहरा निर्माणपछि बर्षातको समय ढुक्क भएर बस्न सक्ने छन् गीता । दुःखको बेलामा सहयोग गरेर पीडितको घाउँमा मलम लगाउने काम गरेर अनेमसंघले ठूलो काम गरेको उनले बताईन् । गीताले आफू जस्तै अन्य पीडितलाई पनि सहयोग गर्न अनेमा संघकासंग आग्रह समेत गरिन् ।
उनले आग्रह गर्दै भनिन् ‘कत्तिको बस्ने बास छैन्, कत्तिको खाने गास छैन्, यस्तो बेलामा सहयोग भए हामी जस्तै अरुको अनुहारमा पनि हाँसो छाउने छ ।’

d
गीता र चन्द्रावती एकल महिला हुन् । उनीहरु तीन जना देउरानी जेठानी छन् । तीनै जना एकल महिला हुन् ।
चन्द्रावती नगरकोटीका देवर बितेको १२ वर्ष भैसक्यो । देवरका दुई जना छोरालाई चन्द्रावतीले नै पालन पोषण गरेकी छिन् । ‘देवरको कान्छो छोरोलाई क्षरोग लागेको छ । उनले भनिन्, ‘औषधी किन्ने पैसा हुँदैन् । यस्तो अवस्थामा हामीले घर बनाउन सक्ने अवस्था थिएन् ।’
अनेमसंघ केन्द्रिय कार्यालयले १० वटा टोली बनाएर अहिले भूकम्प प्रभावित क्षेत्रमा अस्थायी टहरा बनाउने, भत्केका घरहरुबाट सामान झिक्दिने, भत्काउन पर्ने घरहरु भत्काईदिने काममा सहयोग गरिरहेको छ ।
अहिलेसम्म बुढानिलकण्ठ नगरपालिका ३ मात्र ४ वटा अस्थायी टहरा निमार्ण गरेको र ३० वटा अस्थायी टहरा निर्माण गर्ने योजना रहेको संघकी प्रवक्ता शान्ता अधिकारीले बताउनु भयो । टहरा बनाउने अभियान एक महिनासम्म सञ्चालन हुने अधिकारीले बताउनु भयो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: