दगुर्दै बल समाउन जाँदा, बल झन् अगाडि गयो


प्रकाशित मिति :2015-06-01 17:06:53

कमला चौधरी

ललितपुर, जेठ १८

‘नरम यो नौनी जस्तै ,
गरम यो अग्नी जस्तै
धड्कन यो इन्द्रणी झै,
चम्किलो जुन जस्तै
मलाई पुगेन , पुगेन योे ……!’ बाेलकाे गीतमा नमुना मछिन्द्र उच्च माविका विद्यार्थीहरू आ—आफ्नै तालमा नाचिरहेका थिए । विद्यालयका अधिकांस कक्षा कोठा बस्न नहुने गरि चर्किएका छन् । वैशाख १२ गतेको महाभूकम्प र त्यसपछिको पराकम्पनका कारण क्षति भएको नमुना मछिन्द्रमा रातो स्टीकर लागेको छ ।

DSC03141
बारम्बारको आउने पराकम्पनबाट कक्षा कोठा भत्किएला कि भन्ने डरले विद्यार्थी विद्यालयको मैदानमा बनेका अस्थायी टहरामा रमाईरहेका थिए ।
भूकम्पको डर त्रास हटाउन नाच्ने गाउने गरेको   विद्यार्थी अमित राना बताउँछन् । ठूलो स्वरमा बजिरहेको गीतसँगै ताली बजाइरहेका अमित राना नमुना मछिन्द्रका कक्षा २ मा पढने विद्यार्थी हुन् ।

DSC03129
भूकम्प गएको दिन उनी चौरमा साथीहरूसँग फुटवल खेलीरहेका थिए । अचानक जमिन हल्लियो । दगुर्दै बल समाउन जाँदा, बल झन् अगाडि गएको  अनुभव उनी  सुनाउँछन् । उनले भने ,‘त्यतिखेर त  हल्लेर रमाईलो लाग्यो,डर लागेन ।’
पढनपाठन शुरु गराउन विद्यालयकै मैदानमा ५ वटा अस्थायी टहरा बनिसकेका छन् । विद्यार्थीको संख्या अनुसार १४ वटा टहरा बनाउनुपर्छ । बाँकी अस्थायी टहरा निर्माण गर्न अझै एक हप्ता लाग्ने विद्यालयले जनाएको छ ।

IMG_6484
उता कुपण्डोलमा रहेको प्रगति शिक्षा सदन उच्च माध्यमिक विद्यालयका विद्यार्थीहरू आज मनोरञ्जनात्मक कार्यक्रममा व्यस्त थिए । उनीहरू पनि कक्षा कोठामा ताली बजाउँदै गीत गाईरहेका थिए ।

IMG_6506
भूकम्पको डर भन्दा साथीहरूसँग भेट कहिले होला भन्ने चिन्ता थियो लक्ष्मी गुप्तालाई । उनले भनिन्,‘स्कुलमा साथीहरूसँग रमाइलो लाग्छ । पालमा बस्दा के गर्ने ।’ भूकम्पपछिका तीन दिन उनले थापाथलीस्थित बाग्मती नदी किनारकाे

सुकुम्वासी वस्तीमा आमाबुवासँगै पालमा विताईन् । उनको स्कुलमा हरियो स्टिकर लागेको छ ।

यसैगरी पाटन उच्च माविका विद्यार्थी भने अस्थायी टहरामा अध्ययन गरिरहेका भेटिए ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: