महिला सेवा केन्द्रमा ८३ वटा हिंसाका घटना दर्ता


प्रकाशित मिति :2015-06-05 13:58:40

देविका घर्ती मगर

दाङ, जेठ २२ । सरकारद्वारा सञ्चालित जिल्लास्तरिय महिला सेवा केन्द्र दाङमा आर्थिक वर्ष २०७१/०७२ को ८ महिनामा  महिलाहिंसा सम्बन्धि ८३ वटा घटना दर्ता भएका छन् ।

जसमध्ये ५४ वटा घरेलु हिंसाका घटना छन् ।  चालु आर्थिक वर्षको  फागुन महिनासम्म केन्द्रमा दर्ता भएका ८३ घटनामध्ये हालसम्म ४ वटा घटना मुद्दा दर्ता गरि प्रक्रियामा रहेको र बाँकी घटना मिलापत्र भैसेकेको जिल्लास्तरिय सेवा केन्द्रका अध्यक्ष हुमा डिसीले जानकारी दिनुभयो ।

केन्द्रले घोराहीमा पत्रकार सम्मेलन गरी दर्ता भएका घटनामध्ये ५४ वटा घरेलु हिंसा सम्बन्धी, ५ वटा सामाजिक हिंसा, ३ वटा यौनजन्य हिंसा र २१ वटा अन्य हिंसा (सुरक्षा, आफन्तको खोजी, अलपत्रलगायतका) रहेको जानकारी दिएको छ ।

यस्तै केन्द्रमा दर्ता भएका  घटनामध्ये १२ वटा जिल्ला प्रहरी कार्यालय दाङका पठाईएको, ७ वटा जिल्ला अदालत, २ वटा महिला तथा बालवालिका कार्यालय नेपालगञ्ज,  ५५ वटा केन्द्रमै मिलापत्र भएको र ७ वटा सम्बन्धित क्षेत्रका महिला सहकारी संस्था तथा सामुदायिक सेवा केन्द्रमा पठाईएको केन्द्रले जनाएको छ ।

स्थानिय महिला सहकारी संस्था तथा सामुदायिक सेवा केन्द्रमा पठाएका ७ मुद्दामध्ये ४ वटा मुद्दा अहिले पनि प्रक्रियामा रहेको केन्द्रका अध्यक्ष डिसीले जानकारी दिनुभयो । यसैगरी चालु आर्थिक वर्षको दोस्रो चौमासिकसम्म जिल्लास्तरिय सेवा केन्द्र सञ्चालनमा ३  लाख ८० हजार ७ सय ७६ रुपैयाँ खर्च भएको केन्द्रले जनाएको छ ।

प्रकाशित मितिः २०७२ जेठ २२ गते शुक्रवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: