आर्थिकरुपमा शसक्त वन्दै सिन्धुलीका महिला


प्रकाशित मिति :2015-06-05 16:26:53

चीना थापा
सिन्धुली, जेठ २३। सिन्धुलीका महिला सहकारीवाट विभिन्न व्यवसाय गरेर आत्मनिर्भर वन्न थालेका छन्। सहकारीवाट उनीहरूले थोरै ऋण लिएर व्यवसायिक वाख्रापालन, तरकारी खेती, किराना पसल तथा अन्य आयआर्जनमूलक व्यवसायमा लागेका छन् ।

शान्तेश्वरी गाविसकी राजकुमार कार्की सहकारीवाट थोरै ऋण लिएर अहिले गाउँमै किराना पसल गरिरहेकी छिन्। किराना पसलवाट उनले मासिक १५ हजार रुपैयाँ भन्दा वढी आम्दानी गर्छिन्। पसलवाट आएको आम्दानीवाट उनले १० जनाको परिवार सहजै पालेकी छन्। पसल सञ्चालन गर्न लिएको ऋण समेत तिरेर सहकारीमा धेरै वचत गरिसकेको उनले वताईन। सहकारीमा आवद्ध भएपछि श्रीमानको मुख ताक्नु नपर्ने र आफूलाई चाहेको खर्च सहकारीवाट निकालेर काम चलाउन सकिने उनको अनुभव छ।

रतनचुरा गाविसकी रुकुमाया थापा तरकारी खेतीवाट वर्षमा २ लाख रुपैयाँ भन्दा वढी आम्दानी गर्छिन्। पैसा कमाउन मेहनत चाहिने थापाको भनाई छ। पछिल्लो समय महिला पनि विदेश जाने क्रम वढेकाले आफूमा श्रम र सीप भए २/३ लाख कमाउन अर्काको भूमिमा जानु नपर्ने उनको भनाई छ।

सहकारीमा आवद्ध भएर कुनै न कुनै व्यवसाय राम्रोसँग गर्ने हो भने आफ्नै घरमा वसेर राम्रो आम्दानी गर्न सकिने उनको अनुभव छ। आफ्नो व्यवसायवाट भएको आम्दानीले उनले आफ्नो घर व्यवहार चलाउनुको साथै सहकारीमा वचत गर्ने गरेको उनले बताईन्। आवश्यक परेको वेला उनले आफूलेे वचत गरेको पैसा झिकेर काम चलाउने गर्छिन्।

कमलामाई नगरपालिका वर्देउटारकी गीता कार्की व्यावसायिक तरकारी खेती र पशुपालन गर्छिन्। यसवाट हुने आम्दानीले कार्कीले आफ्ना तीनजना बच्चालाई वोडिङ स्कुलमा पढाउनुको साथै जग्गा समेत जोडेकी छिन्। उनले व्यावसायिक तरकारी खेती गर्न थालेको ८ वर्ष भयो।
‘विहान वेलुकाको छाक टार्न धौ धौ पर्थ्यो—उनी भन्छिन्, अहिले व्यावसायिक तरकारी खेती गर्न सुरु गरेको ८ वर्षमै ९ कट्ठा जग्गा जोडिसकेकी छु। अन्य आम्दानी केही नभएकी कार्कीले तरकारी खेती र पशुपालनवाटै आफ्नो जीवनमा ठूलै परिवर्तन ल्याएकी छिन्।

पछिल्लो समयमा ग्रामिण भेगका महिलाले आफ्नो इच्छा अनुसारको व्यवसाय गरेर आयआर्जन गर्न थालेपछि घरव्यवहार चलाउन सजिलो भएको अनुभव गरेका छन्। सम्पूर्ण समय चुलोचौकामा विताउने महिला आर्थिक उपार्जनमा लाग्न सके परिवार तथा महिलाको आर्थिक अवस्था सुधार्न धेरै समय नलाग्ने र गरिवी निवारणमा पनि सहयोग पुग्ने उनीहरूको भनाइ छ।

प्रकाशित मितिः २०७२ जेठ २३ गते शनिवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: