सरंक्षण हामी दिन्छौ : महिला मन्त्रालय


प्रकाशित मिति :2015-06-08 14:37:45

महिला खबर

MoW picकाठमाडौं,जेठ २५। विनाशकारी महाभूकम्पबाट आफन्त गुमाएका महिला तथा बालबालिकाको संरक्षणका लागि सरकारले छुट्टै आवास निर्माण गर्ने भएको छ। भूकम्पबाट अति प्रभावित १४ जिल्लामा आवश्यकता अनुसार आवास निर्माण गर्ने योजना बनेको महिला, बालबालिका तथा समाजकल्याण मन्त्रालयका सह–सचिव राधिका अर्यालले जानकारी दिनुभयो। अर्यालका अनुसार आवासमा आमाबुबा गुमाएका बालबालिका, एकल महिला र बृद्धालाई आश्रय दिइने छ।

विपत्तिबाट असाह्य बनेकाहरूको संरक्षणका लागि राज्यले बनाएको योजना छिट्टै कार्यन्वयनमा आउने उहाँले दाबी गर्नुभयो।
आमाबुबा गुमाएका बालबालिकालाई हेरचाह गर्ने नजिकको आफन्त छ भने उनीहरूलाई त्यहाँ पुर्‍याउने तर आवश्यकता अनुसार १६ वर्षसम्म शिक्षा, स्वाथ्य र पालनपोषणको जिम्मा राज्यले लिनेछ भने आफन्त नभएकाबालबालिकालाई बालगृह बनाएर सम्पूर्ण जिम्मा राज्यले लिने अर्यालले बताउनुभयो।

मन्त्रालयले यसका लागि १४ वटै जिल्लाको सर्वेक्षण गरिसकेको छ। अनुगमनका क्रममा जिल्लाका धेरै एकल महिलाले आफ्नो ठाउँ छोडेर सेल्टरमा बस्न नजाने, बरु राज्यले सानो भएपछि बास बनाउन सहयोग गरोस् भन्ने पाएको मन्त्रालयले जनाएको छ। आफ्नो ठाउँ छोड्न नचाहने भूकम्प पीडित एकल महिलालाई घर बनाउन सहयोग गर्ने, आत्मनिर्भर बनाउन आयमूलक तालिम दिने र मनोपरामर्श सेवाको व्यवस्था गर्ने योजना बनाएको उहाँले बताउनुभयो।

महिला मन्त्रालयले तत्कालको लागि नयाँ नीजि क्षेत्रलाई बालगृह खोल्न र पुराना बालगृहमा आफू खुशी भूकम्प पीडित बालबालिकालाई राख्न पनि प्रतिबन्ध लगाएको छ । साथै बालबालिकालाई एक जिल्लाबाट अर्को जिल्लामा लैजान समेत राज्यले रोक लगाएको छ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: