प्रधानमन्त्री कप महिला क्रिकेट सुरु


प्रकाशित मिति :2015-06-11 09:51:54

महिला खबर 

woman-cricket3

पोखरा, जेठ २८ । पोखरामा प्रधानमन्त्री कप महिला राष्ट्रिय क्रिकेट प्रतियोगिता सुरु भएको छ ।  पहिलाे खेलमा एपीएफले विजयी सुरुवात गरेको छ ।एपीएफले विराटनगरलाई ६ विकेटले पराजित गरेको हो । टस जितेर पहिले व्याटिङ गरेको विराटनगरले एपीएफलाई ४९ रनको लक्ष्य दिएको थियो ।

एपीएफले निर्धारित लक्ष्य १२ दशमलव ५ ओभरमै पुरा गर्न सफल भयो । म्याच अफ दि विमन एपीएफका सीता राना मगरले हात पारिन् । उनले विजयको लागि २३ अंक जोड्नुका साथै ३ विकेट समेत लिएकी थिइन् ।२० ओभरको खेलमा १९ ओभरमा सबै विकेट गुमाउँदै विराटनगरले ४८ रन बनाएको थियो । टस जितेर पहिले व्याटिङ रोजेको विराटनगरका कुनै पनि खेलाडीले दोहोरो अंक बनाउन सकेनन् । विराटनगरका लागि काजल श्रेष्ठले ९ रन र रोमा थापाले ६ रन बनाए ।

क्षेत्र नम्बर ८ पोखरा र क्षेत्र नम्बर ५ नेपालगञ्ज विच भएको खेल भने वर्षाको कारण रोकियाे । टस जितेर व्याटिङ रोजेको पोखराले ६ विकेट गुमाउँदै १८ रन बनाएको थियो ।

प्रतियोगिताको संसदीय विकास समितिका अध्यक्ष रवीन्द्र अधिकारीले उद्घाटन गर्नुभएको थियो । प्रतियोगिता अन्तर्गत पोखरामा समूह ए मा परेका क्षेत्र नम्बर १ विराटनगर, क्षेत्र नम्बर ३ काठमाण्डौं, क्षेत्र नम्बर ५ नेपालगञ्ज, क्षेत्र नम्बर ८ पोखरा र सशस्त्र प्रहरीको एपिएफ क्लवबीच भिडन्त हुनेछ ।

समूह बि अन्तर्गतका क्षेत्र नम्बर २ वीरगञ्ज, क्षेत्र नम्बर ४ भैरहवा, क्षेत्र नम्बर ६ बैतडी, क्षेत्र नम्बर ७ जनकपुर र क्षेत्र नम्बर ९ कञ्चनपुरका विच चितवनमा खेल हुँदैछ ।

क्षेत्रीय क्रिकेट विकास समिति क्षेत्र नम्बर ८, पोखराले आयोजना गरेको प्रतियोगिता असार २ गतेसम्म चल्नेछ । पोखरामा दोस्रो खेल क्षेत्र नम्बर ५ नेपालगञ्ज र क्षेत्र नम्बर ८ पोखराबीच हुनेछ ।

प्रकाशित मिति २०७२ जेठ २८ गते बिहीवार

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: