ओसिमको शव अझै उठेन


आफन्त भन्छन् –दोषीलाई संरक्षण भो

प्रकाशित मिति :2015-06-14 13:36:10

महिला खबर

पोखरा ३१, जेठ । पोखराको रामघाटस्थित पोखरा नर्सिङ्ग कलेजमा अध्ययनरत ओसिम गुरुङको शव ५ महिनादेखि उठ्न सकेको छैन ।

नवलपरासी रामनगर गाविस–२ सुन्दरवस्तीकी १९ वर्षीया ओसिम प्रमाणपत्र तह तेस्रो वर्षमा अध्ययनरत थिइन । गत माघ २ गते नवलपरासी कावासोती नगरपालिका वडा नंं ३ थकाली चोकका सूर्य बहादुर गुरुङको घरमा उनको रहस्यमय मृत्यु भएको थियो ।

20150614_092243
सूर्यबहादुरका २० वर्षीय छोरा मनोज गुरुङले दिदी मनिताको जन्मदिन मनाउने भन्दै पुस २५ गते ओसिमलाई पोखराबाट घरमा बोलाएका थिए । मनोजको घरमा गएको केही दिनपछि मनोजका बुबा सूर्यबहादुर सुत्ने कोठामा ओसिम मृत अवस्थामा भेटिएकी थिइन् ।
आफन्तले आज पोखरामा पत्रकार सम्मेलन गरी ओसिमको मृत्यु आत्महत्या नभई हत्या भएको भन्दै न्यायिक छानविनको माग गरेका छन् ।
पत्रकार सम्मेलनमा बोल्दै ओसिमका हजुरबुबा रुद्र बहादुर गुरुङले राजनीतिक पहुँचका आधारमा घटनालाई छाँयामा पारेर अपराधीलाई संरक्षण दिन खोजेको आरोप लगाउनुभयो । उहाँले न्याय नपाएसम्म निरन्तर लडिरहने बताउनुभयो ।

घटनामा संलग्न रहेको आरोपमा पक्राउ परेका मनोजका बुबा र आमालाई धरौटीमा अदालतले छाडी सकेको छ भने मनोज कि दिदी मोनिकालाई पनि अदालतले ८० हजार रुपैयाँ धरौटीमा छोडिदिएको छ । मनोज भने पुर्पक्षका लागि कारागारमा छन् ।

दोषीलाई बचाउन र मुद्दा फितलो बनाउन चलखेल भएको भन्दै उनका आफन्तले मानव अधिकारकर्मी, पत्रकार, र नागरिक समाजसँग न्यायको पक्षमा आवाज उठाइदिन आग्रह गरेका छन् ।

ओसिमको मृत्यु प्रकरण सत्यतथ्य छानविनको माग गर्दै चैत २९ पोखरामा नर्सिङ्ग कलेजका विद्यार्थीको अगुवाईमा बृहत ¥यालीमा समेत निकालिएको थियो ।

प्रकाशित मितिः २०७२ जेठ ३१ गते आईतवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: