दाइजो प्रथा रोक्न कानुन कडा हुनुपर्ने सभासदको माग


प्रकाशित मिति :2015-06-14 15:40:22

महिला खबर

ललितपुर,जेठ ३१। दाईजोबाट हुने महिला हिंसा कम गर्न दाईजो सम्बन्धी कानुन नै कडा हुनुपर्ने सभासद् महिलाले बताएका छन्। नेपाल मधेश फाउण्डेशनले आयोजना गरेको दाइजो प्रथासम्बन्धी छलफल कार्यक्रममा सहभागी सभासदले यस्तो बताएका हुन्।

नेकपा एमाले मोरङका सभासद् मीना देवी यादव, एमाओवादी धनुषा सभासद् प्रतिक्षा तिवारी मुखिया र एनेकपा (माओवादी) महोत्तरी सभासद निशा कुमारी साहले दाइजो सम्बन्धी कानुन फितलो भएको र भएको कानुन पनि कार्यान्वयनमा नआएकाले समस्या झन बढ्दै गएको बताए।

उनीहरूले अहिले भएको दाइजो सम्बन्धी ऐन खारेज गरेर नयाँ कानुन ल्याउनुपर्नेमा जोड दिए। छोरीलाई शिक्षा अनिवार्य गर्नुपर्ने बताउँदै उनीहरूले छोरालाई जति पढायो त्यति दाइजो लिने परम्परालाई कानुनबाटै रोक्न कडाई गर्नुपर्ने बताए।

मधेशमा मात्र बढी रहेको दाइजो प्रथा अहिले हिमाल पहाड सबैतिर भएकाले यसलाई रोक्न कडा कानुन नै चाहिनेमा उनीहरूले जोड दिए।

छलफल कार्यक्रममा दाइजो सम्बन्धी अनुसन्धान गरिरहेकी रिता साहले कार्यपत्र प्रस्तुत गर्नुभएको थियो। साहले प्रस्तुत गरेको कार्यपत्रमा दाईजोका कारण सन् २०१२ मा हिमालमा एक, पहाडमा एक र तराईमा १० वटा हिंसा भएका छन् भने २०१३ मा पहाडमा १२ र तराईमा २४ वटा हिंसा भएको उल्लेख छ।

कार्यपत्रका अनुसार दाइजोका कारण २०१२ मा धनुषामा एक, पर्सामा तीन, रौतहटमा एक गरी पाँच वटा हत्या भएको छ भने २०१३ मा सुनसरीमा एक, धनुषामा दुई, रौतहटमा एक, बाँकेमा एक गरी ५ वटा हत्या भएको छ। दाइजोसम्बन्धी कानुन पनि बाझिएकाले यससम्बन्धी हिंसा न्युनिकरण गर्न ऐन कानुनमा सुधार गर्नुपर्ने सुझाव कार्यपत्र दिइएको छ।

प्रकाशित मितिः २०७२ जेठ ३१ गते आईतवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: