विरामी बोक्ने महिला


प्रकाशित मिति :2015-06-18 14:44:48

महिला खबर

नेपालगन्ज, असार ३ । गाउँका दिदीबहिनी सिकिस्त विरामी हुँदा कसरी स्वास्थ्य चौकी पु-याउने भन्ने चिन्ताबाट बाँकेको महादेवपुरीका महिला मुक्त भएका छन् ।

राजमार्गबाट ६ किलोमिटर टाढा यातायातको पहुँच नभएकोले सिकिस्त विरामीलाई उपचार गर्न स्वास्थ्य संस्थासम्म पु-याउन निकै समस्या भोग्दै आएका थिए ।

‘वर्षायाममा गर्भवती, सुत्केरी तथा सिकिस्त विरामीलाई बोकेर स्वास्थ्य चौकी पुराउन साह्रै अप्ठ्यारो हुन्थ्यो’–स्थानीय महादेवा गाउँकी अनिता चौधरीले भन्नुभयो–‘स्टेचर पाइयो, अव यसको सहि उपयोग गर्नेछौ, गरिव विपन्न वर्ग आफ्नै साधन नहुने र महंगो साधन प्रयोग गर्न नसक्नेलाई स्टेचरको माध्यमबाट उपचार केन्द्रसम्म पु-याउने छौ ।’

Stecher pic

अब विरामीलाई एक्लैले बोक्नुपर्ने समस्या टरेको बालापुरकी सञ्चिता खड्काले बताउँनुभयो । उहाँ भन्नुहुन्छ ‘वर्षायाममा बाटो बन्द हुन्छ, डुवान हुन्छ त्यस्तो बेला स्टेचरमा राखेरै भएपनि विरामीलाई अस्पताल पु¥याउनै प¥यो । अब स्टेचर भएपछि विरामी कसरी बोक्ने भन्ने चिन्ता हुनेछैन ।

दुर्गम बस्तीका महिलाले स्टेचरलाई अत्यावश्यक प्राथमिकता दिई माग गरेपछि यस्तो व्यवस्था गरिएको महादेवपुरी स्वास्थ्य चौकीका इन्चार्र्ज अनिल सेनठकुरीले जानकारी दिनुभयो ।

स्थानीय महिला समूहको मागमा महादेवपुरी गाविसको दुर्गम बस्ती महादेवा र बालापुरका बासिन्दालाई एक–एक थान स्टेचर उपलब्ध गराईएको हो ।

सामुदायिक छलफल कक्षाका क्रममा गाउँका सिकिस्त विरामीलाई उपचारका लागि लैजान यातायातको समस्या भएपछि स्टेचर माग गर्ने सहमति भएको हो । छलफलपछि महादेवा र बालापुरका छलफल कक्षाका सहभागी महिलाले स्वास्थ्य चौकीमा स्टेचर उपलब्ध गराउन लिखित निवेदन दिएका थिए ।

समुदायबाट आएको मागलाई स्वास्थ्य चौकी हुँदै जिल्ला जनस्वास्थ्य कार्यालयसम्म समन्वय गरि स्टेचर ल्याउने प्रकृयामा सहजीकरण गरेको स्याक नेपालका सामाजिक परिचालक लक्ष्मी विष्टको भनाई छ ।

प्रकाशित मिति : २०७२ असार ३ गते बिहीवार

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: