मन हलुको पार्दै भूकम्प पीडित महिला


प्रकाशित मिति :2015-06-24 13:23:24

महिला खबर

पोखरा, असार ९ । जति दिन बित्दै जाँन्छ उति मन पोलिरहन्थ्यो । गाँउमा न बस्ने बास छ न खाने गाँस छ,’ गोर्खा लाप्राककी २५ दिनकी सुत्केरी कुम्नि गुरुङलाई निद्रा पर्न छोडेको थियो । भूकम्पपछि विस्थापित उनी पोखरामा सामाजिक संघसंस्थाको आश्रयमा छिन् ।

भूकम्पपीडितको मानसिक अवस्था बुझेर यी सामाजिक संघसंस्थाले तनाव व्यवस्थापन सम्बन्धि अभिमुखिकरणमा सहभागी भएपछि गुरुङले अहिले हलुको महसुस गर्न थालेकी छिन् ।

उनले भनिन्— ‘अब वितेको कुरा सम्झेर पछुताउनुको कुनै अर्थ छैन । मनलाई शान्त राखेर बाँकि जीवनलाई अगाडी बढाउनुको विकल्प छैन । अभिमुखिकरणपछि मनलाई शान्त राख्नुपर्छ भन्ने कुरा थाहा पाएपछि आत्मविश्वास जागेको छ ।’

उनकै जस्तो पीडा केराउजा कि २३ वर्षीया कुमारी गुरुङको पनि थियो । जेठ १२ गतेदेखि तमुधिं नेपालमा आश्रय लिइरहेकी उनको खुट्टा भाँचिएको छ । परिवार विस्थापित हुनुको पीडा र शारीरिक चोटले उनलाई पनि सताइरहन्थ्यो । तर, अभिमुखिकरणले जिन्दगीलाई नयाँ ढंगबाट सोचेर अगाडि बढ्ने आत्मविश्वास दिएको उनको अनुभव छ ।

तमुधिं नेपालमा आश्रय लिइरहेकाहरूलाई लक्षित गरि आयोजना गरिएको मनोसामाजिक सुरक्षा सम्बन्धि २ दिने अभिमुखिकरणपछि भूकम्प पीडित महिलाको सोचाइमा परिवर्तन आएको हो ।

 

वैशाख १२ र २९ गते गएको भूकम्पबाट पीडितलाई लक्षित गरी मनोवैज्ञानिक आघात, कारण, लक्षण तथा असर र त्यसले पछिसम्म पार्ने प्रभाव, तनाव व्यवस्थापन, स्व–हेरचाह, सकारात्मक सोचाइ, बालबालिका प्रति अभिभावकको सहयोगी भुमिका, योग तथा ध्यान अभ्यास , जीवन भोगाइका अनुभव आदानप्रदानसँगै सुरक्षित वातावरणसम्बन्धि जानकारी दिइएको थियो ।
अभिमुकिरण कार्यक्रममा बोल्दै तमुधिं नेपालका अध्यक्ष कर्म गुरुङले मनको चोट निको नभइ बाहिरी चोट निको भएरमात्रै स्वस्थ्य नहुने भन्दै मानसिक रुपमा स्वास्थ्य हुन जरुरी रहेको बताउनुभयो । अभिमुखिकरणमा ७३ जना भूकम्पपीडित महिला सहभागी थिए ।

प्रकाशित मिति २०७२ असार ९ गते बुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: