कास्की पनि वेचविखनको ट्रान्जिट पोइन्ट बन्दै


प्रकाशित मिति :2015-06-29 13:16:40

महिला खबर

कास्की, असार १४ । विनाशकारी भूकम्पपछि  बालबालिका तथा किशोरी बेचिने क्रम बढेको सरोकारवालाले बताएका छन् ।  बालबालिका तथा किशोरीको ओसारपसार, बेचविखनविरुद्धमा कास्कीमा गठन भएको निगरानी समूहले पोखरामा आयोजना गरेको कार्यक्रममा सहभागी सरोकारवालाले  महिला र वालवालिका निकै जोखिममा रहेकाले उनीहरूलाई जोगाउन चनाखो हुनुपर्ने तर्फ सवैको ध्यानाकर्षण गराए  ।

कार्यक्रममा बोल्दै समूहका संयोजक डा राजेन्द्र गौतमले पछिल्लो समय दलालहरूले किशोरी तथा बालबालिकाहरूलाई बेचविखन गर्न लैजाने  मुख्य बाटो कास्कीलाई बनाउने गरेको भन्दै हरेकदिन भारतीय नाकामा ४० देखि ५० जना किशोरीको उद्धार भईरहेको तथ्य प्रस्तुत गर्नुभयो ।

भूकम्पका कारण सबैको ध्यान अन्तै गएपछि प्रभावित जिल्लामा दलालहरू सक्रिय हुन थालेको उहाँको भनाई थियो । दलालहरू बाग्लुङ, म्याग्दी, पर्वतलगायतका जिल्लामा सक्रिय भएको पाईएको जानकारी पनि उहाँले दिनुभयो ।

कार्यक्रममा बोल्दै महिला तथा बालबालिका कार्यालय कास्कीका महिला विकास निरिक्षक शरद गुरुङले निगरानी समूहले किशोरी र बालबालिकामा केन्द्रित रहेर काम गरेको बताउँदै सवै सरोकारवालालाई सचेत रहन आग्रह गर्नुभयो ।  निगरानी समूहका सचिव प्रेम सेङमेनले कास्कीबाट बाहिरिने नाकामा सुरक्षा व्यवस्था कडा बनाइ बेचविखन रोकथाम गर्ने प्रयास भइरहेका जानकारी दिनुभयो ।

लैङ्गिक हिंसा निवारण तथा मानव बेचविखन नियन्त्रणका लागि विशेष सतर्कता अपनाएर पीडकलाई कारवाहीको व्यवस्था मिलाउन नेपाल प्रहरीसँग समन्वय गरिरहेको जानकारी कार्यक्रममा दिईएको थियो ।

प्रकाशित मिति : २०७२ असार १४ गते सोमवार

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: