अझै छन् कमलरी


प्रकाशित मिति :2015-06-30 10:54:22

महिला खबर
नेपालगन्ज, असार १५। राज्यले उचित पहल नगर्दा कमलरी मुुक्ति अभियान पूर्णरुपमा सफल हुन नसकेको अभियानकर्मीले जनाएका छन्। पूर्व कमलरीको संस्था मुक्त कमलरी मञ्चले कम्लरी मुक्ति अभियान सञ्चालन गर्दै आएको छ।

मुक्त कमलरी मञ्चकी संस्थापक अध्यक्ष मञ्जिता चौधरीले मान्छेलाई दास बनाउने कमलरी मुुक्ति अभियान सञ्चालन भएको करीव १४ वर्ष भइसक्दा पनि राज्यले उचित पहल नगर्दा पूर्णरुपमा सफल हुन नसकेको गुुनासो गर्नुभयो। कानुनले मान्छेलाई दास बनाउन निरुत्साहित गरेपनि व्यवहारमा दास बनाउने प्रबृति कायमै रहेको उल्लेख गर्दै यसको अन्त्य गर्न सरकार लाग्नुपर्ने वहाँले बताउनुभयो।

मुक्त कम्लरी मञ्चको निरन्तर दवाव स्वरुप दुईवर्ष अघि सरकारले नेपाललाई कमलरी मुुक्त घोषणा गरेको थियो तर, अझैपनि थारु समुदायका किशोरी कमलरी बस्न बाध्य छन्। मुुक्त कमलरी विकास मञ्च केन्द्रीय कार्यालयले सार्वजनिक गरेको तथ्याङ्कमा दाङ जिल्लाभित्र १९ जना, काठमाडौंमा ८, सुुर्खेत, बाँके र कास्कीमा २–२ तथा बर्दियामा एकजना कमलरी छन्।

मञ्चले दोस्रो कमलरी मुुक्ति दिवसको अवसरमा कमलरी बस्न बाध्य भएकाहरूको मुुक्तिका लागि पहल गरिदिन आग्रह गर्दै उक्त तथ्याङ्क दाङका प्रमुुख जिल्ला अधिकारी लोकनाथ पौड्याललाई बुझाएको छ। पौड्यालले प्राप्त तथ्याङ्कलाई अध्ययन गरेर कानूनमा व्यवस्था भएको र आफूलाई प्राप्त अधिकार प्रयोग गरेर पहल गर्ने आश्वासन दिएको मञ्चकी संस्थापक अध्यक्ष मञ्जिता चौधरीले जानकारी दिनुभयो।

प्रकाशित मितिः २०७१ असार १५ गते मङ्गलवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: