जाेत्नेदेखि राेप्नेसम्मकाे जिम्मा महिलालाई


प्रकाशित मिति :2015-07-04 12:12:21

भेषराज बस्नेत
नेपालगन्ज, असार १९ । कचनापुर–७ टिकुलीपुर बाँकेकी ह्रदयकली बि.क.ले खेतमा हलो जत्ने मान्छे नपाएपछि यसवर्ष आफै जोतिन् । श्रीमान रोजगारीको लागि भारतमा रहेकोले उनी एक्लैले खेतीपातीको काम सम्हाल्नु परेको छ । मध्यपश्चिमको अधिकांश जिल्लाका ग्रामीण क्षेत्रमा पुरुष रोजगारीका लागि जिल्ला बाहिर वा विदेश रहेकोले घरमा बालबालिका स्याहार्ने, घरव्यवहार चलाउने र खेतीपाती गर्नेसम्मको सम्पूर्ण काम महिलाको काँधमा छ ।

करिव ३ सय घरधुरी रहेको बाँकेको कचनापुर टिकुलीपुरमा मात्रै २५० भन्दा बढी घरपरिवारका युवा तथा पुरुष रोजगारीका लागि बाहिर छन् । ‘गाउँमा पुरुष छैनन् सबै काम महिलाले गर्दै आएका छौँ ।’—स्थानीय वडा नागरिक मञ्चकी संयोजक लक्ष्मी शाहीले भन्नुभयो —‘महिला दिदीबहिनीहरू आलोपालो गरेर खेती किसानीको काम गर्दै आएका छौँ ।’ अन्य काम गर्न सामान्य भए पनि हलो जोत्न कठिनाई हुने गरेको शाहीको भनाई छ । उअनुसार, टिकुलीपुरमा ह्रदयकली बि.क सँगै हुपी खत्री, मनसरी बि.क.ले पनि आफै हलो जोत्दै आउनु भएको छ ।

गाउँमा बालबालिका र वृद्ध मात्रै भेटिन्छन् । गाउँमा युवा नभएकोले खेती किसानी जोत्नेदेखि रोप्नेसम्मको काम महिलाले गर्नुपरेको बाँके कचनापुर—९ वडा नागरिक मञ्चकी संयोजक अञ्जना बिष्ट बताउनुहुन्छ । हलो जोत्नेदेखि विरामीलाई अस्पताल पुर्याउनेसम्मको काम महिलालेनै गर्दै आएको उहाँले बताउनुभयो ।

गाउँमा आउने समस्याको वारेमा महिलाले वडा वडामा छलफल गरेर समाधान निकाल्ने गरेका छन् । छलफल कक्षबाटै खेतीकिसानीमा आलोपालो गर्ने सल्लाह पनि हुने गरेको स्थानीय छलफल कक्षकी सहजकर्ता गौतरा डाँगीले जानकारी दिनुभयो । सामाजिक सचेतन सरोकार मञ्च (स्याक) बाँकेले सञ्चालन गरेको मेरो अधिकार मेरो आवाज कार्यक्रमको छलफल कक्षामा सहभागी भएर महिला दिदीबहिनीहरूले आफ्ना समस्याको समाधान निकाल्ने गरेको स्याकका कार्यक्रम संयोजक सोमराज जि.सी.ले जानकारी दिनुभयो ।

ग्रामीण क्षेत्रमा पुरुष नहुँदा पनि महिला दिदीबहिनीले विभिन्न संघसंस्थाका समूहमा आवद्ध भएर अधिकारमुखी क्रियाकलाप सँगसँगै कृषिका काममा पनि सामूहिक रुपमा काम गर्दै आएको कृषि बिकास कार्यालय बाँकेका प्रमुख राजेन्द्र प्रधानले बताउनुभयो ।

प्रकाशित मितिः २०७२ असार १९ गते शनिवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: