केहीसमय आरक्षण आवश्यक छ– उपाध्यक्ष घर्तीमगर


प्रकाशित मिति :2015-07-04 12:45:51

महिला खवर

काठमाडौँ, असार १९ । संविधानसभाका उपाध्यक्ष ओनसरी घर्तीमगरले अब मुलुकले छिट्टै संविधान पाउने बताउनुभएको छ ।

नेसनल डेमोक्र्याटिक इन्स्टिच्युट तथा महिला अधिकारकर्मीद्वारा काठमाडौंमा आयोजित अन्तक्र्रियामा उपाध्यक्ष घर्तीमगरले दलहरूबीच भएका विभिन्न छलफल तथा लामो प्रयासपछि आएको प्रारम्भिक मस्यौदाले संविधान निर्माणको गतिरोधलाई अन्त्य गरेको बताउनुभयो ।

उहाँले महिलालाई सम्पत्तिमाथि अधिकार कायम हुनुपर्नेमा जोड दिनुभयो । उनीहरू पुरुषसँग प्रतिस्पर्धा गरी अहिले अघि बढ्न सक्ने अवस्था नरहेकाले अझै राज्यका विभिन्न निकायमा आरक्षणाको आवश्यकता छ उपाध्यक्ष घर्तीले भन्नुभयो ।

कार्यक्रममा अधिवक्ता सपना मल्लप्रधानले राजनीतिक दल तथा अन्य निकायमा समानुपातिक समावेशी सुनिश्चित गरिनुपर्नेमा जोड दिँदै संविधानको मस्यौदालाई पूर्णता दिने र अबको हरेक निर्णय प्रक्रियामा संविधानसभाले महिला सहभागिता सुनिश्चित गर्नुपर्ने विचार व्यक्त गर्नुभयो ।

नेपाली काँग्रेसका नेता निर्मला क्षेत्री, नानु बाँस्तोला, नेकपा (एमाले)का नेता थममाया थापालगायतले महिला अधिकार स्थापित गर्न पार्टीका भगिनी संस्थालाई बलियो बनाउनपर्ने बताउँदै प्रदेशसभामा ४० प्रतिशत तथा स्थानीय निकायमा ५० प्रतिशत प्रतिनिधित्व सुनिश्चित गर्नुपर्नेमा जोड दिनुुभयो ।

एनेकपा(मओवादी) पोलिटब्युरो सदस्य कमला रोका र सोही पार्टीका पूर्व सभासद् विमला केसीले राष्ट्रिय सत्ताका प्रमुख पदमा म हिला पुरुष आलोपालो हुनुपर्नेमा जोड दिँदै संविधान लैङ्गिकमैत्री हुनुपर्ने विचार व्यक्त गर्नुभयो ।

प्रकाशित मितिः २०७२ असार १९ गते शनिवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: