महिलाको पोषणमा सुधार ल्याउन सुआहारा


प्रकाशित मिति :2015-07-05 11:52:06

भेषराज बस्नेत
नेपालगन्ज, असार २० । बाँकेमा महिला र दुई वर्षमुनिका बालबालिकाको पोषणस्थितिमा सुधार ल्याउन वहुक्षेत्रीय पोषण योजना तथा एकीकृत पोषण कार्यक्रम (सुआहारा) लागु भएको छ ।
तथ्याङ्क नभए पनि बाँकेमा कुपोषित र खराव किसिमको कुपोषण भएका महिला र दुई वर्षमुनिका बालबालिका प्रशस्त भेटिने गरेको जिल्ला जनस्वास्थ्य कार्यालय बाँकेले जनाएको छ ।

जनस्वास्थ्य कार्यालय बाँकेका पोषण कार्यक्रम सुआहारा फोकल पर्सन अंगदबहादुर शाहीले जिल्लागत नभई केन्द्रीय तथ्यांक विभागबाटै देशभरी कुपोषित र अति पोषणयुक्त महिलाको सर्वेक्षण हुने भएकोले यकीन तथ्याङ्क थाहा नहुने बताउनुभयो ।

पोषण तत्व अभिवृद्धिका लागि जिल्ला जनस्वास्थ्य कार्यालयले आइरन चक्की, जुकाको औषधी वितरणगर्दै आएको छ । सुआहारा फोकल पर्सन शाहीका अनुसार, बाँकेमा आईरन चक्की खाने महिला ७३ प्रतिशत, जुकाको औषधी खाने महिलाको संख्या ७२ प्रतिशत र सुत्केरी भएको ६ हप्तासम्म आईरन चक्की सेवन गर्नेको संख्या ५३ प्रतिशत रहेको
छ ।

राष्ट्रिय जनगणना २०६८ को तथ्यांक अनुसार नेपालमा प्रत्येक सय जनामा १८ जना महिला कुपोषणबाट ग्रस्त छन् भने १३ जना खराव कुपोषण (बढी तौल) भएका महिला छन् ।

महिला र दुई वर्षमुनिका बालबालिकाको पोषणस्थितिमा सुधार ल्याउन युएसएआइडीको आर्थिक सहयोगमा नेपालका ४१ जिल्लामा लागु भएको सुआहारा कार्यक्रम बाँकेमा भने सन् २०१५ देखि सेभ द चिल्ड्रेनको समन्वयमा सञ्चालन भएको छ ।

जिल्लाका दुई नगरपालिका र ३४ वटै गाविसमा उक्त कार्यक्रम लागु गरिएको सेभ द चिल्ड्रेन मध्य तथा सुदूरपश्चिम कार्यालयका प्रमुख विरेन्द्र ठगुन्नाले बताउनुभयो ।

कार्यक्रम अन्तर्गत गर्भवती महिला, २ वर्षमुनिका बालबालिका र १ हजार दिनसम्मका सुत्केरी माझ उनीहरूको घरघरमा पुगेर पोषणको अवस्था जाँच गरी पोषणयुक्त खानेकुराको वारेमा जानकारी गराई पोषणको स्थितिमा सुधार ल्याईने सुआहारा कार्यक्रमका प्रशिक्षक विश्वरमण न्यौपानेले जानकारी दिनुभयो ।

यो कार्यक्रम गाविसस्तरबाट सुरु गरेर नगरमा ल्याईने योजनाका साथ सञ्चालन गरिएको सुआहार कार्यक्रमका जिल्ला संयोजक विकास देउजाले बताउनुभयो । कार्यक्रमलाई प्रभावकारी बनाउन सरोकारवाला सबै निकायसँग अन्तरक्रिया गरिएको छ ।

प्रकाशति मितिः २०७२ असार २० आईतवार 

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: