बाल विवाह राेक्दै महिला


प्रकाशित मिति :2015-07-06 17:17:23

महिला खबर
नेपालगन्ज, असार २१। बाँकेको ग्रामीण क्षेत्रका महिलाले बालबिवाहविरुद्ध गाउँ—गाउँमा अभियान सञ्चालन गरेका छन्। गाविसमा वडा तथा टोलस्तरमा समूह र छलफल कक्षामा आवद्ध महिलाले बालबिवाहविरुद्ध सचेतना अभियान सञ्चालन गरेका हुन्।

महादेवपुरी गाविसका महिलाले प्रत्येक घरमा अभिभावकलाई बालविवाहविरुद्ध हस्ताक्षर गराएका छन्। ‘पहिला हामीलाई यस्ता कुरामा मतलबै हुने थिएन, छलफल कक्षामा सहभागी भएपछि बालविवाहले पुर्‍याउने असरका वारेमा थाह भयो’—स्थानीय वडा नागरिक मञ्चकी संयोजक अञ्जना बिष्टले भन्नुभयो। छलफल कक्षामा बालविवाहविरुद्ध अभियान चलाउने सल्लाह भयो, अहिले हाम्रो गाउँमा बालबिवाह हुँदैन, सबैले आफ्ना छोराछोरीको उमेर नपुगी विवाह गर्दैनौ भनेर हस्ताक्षर गरेको विष्टले बताउनुभयो।

छलफल कक्षाबाट सुरु गरेको अभियानलाई गाउँका महिला पुरुष सबैले साथ दिएकोले हस्ताक्षर अभियान चलाउनसकिएको वहाँले बताउनुभयो। महादेवपुरी गाविस भरी नै बालबिवाहविरुद्ध महिलाले हस्ताक्षर अभियान सञ्चालन गरेका छन्।

महादेवपुरी, कचनापुर र बैजापुर गाविसमा ‘मेरो अधिकार मेरो आवाज’ कार्यक्रम अन्तर्गत महिला छलफल कक्षा सञ्चालित छन्। छलफल कक्षामा घरेलु हिंसा, महिला हिंसालगायत गाउँका समस्या र विकासका वारेमा समेत छलफल हुने गरेको सहजकर्ता गौतरा डाँगीले जानकारी दिनुभयो।

गाउँमा उमेर नपुगी गर्न लागिएका विवाहलाई समेत महिलाले रोकेका छन्। ‘विवाह गर्ने छिनोफानो भएको घरमा समेत महिला दिदीबहिनीहरुले सम्झाई बुझाई उमेर पुगेपछि मात्रै विवाह गर्ने सहमतिमा ल्याएका छन्।’—सहजकर्ता डाँगीले भन्नु भयो।
आफ्नो गाउँबाट बालविवाह रोकेपनि उमेर नपुगेका तर अभिभावकको सहमती विपरित बिवाह गरेर गाउँमा आएका कतिपय किशोरीलाई सानो उमेरमै बच्चा नजन्माउन सुझाव दिने गरेको डाँगीले बताउनुभयो।’

गाउँमा महिलाले सञ्चालन गरेको बालविवाहविरुद्धको अभियान प्रभावकारी भएको महिला तथा बालबालिका कार्यालय बाँकेकी फोकल पर्सन बिन्दु कुँवरले प्रसंशा गर्नुभयो।

प्रकाशित मितिः २०७२ असार २१ गते साेमवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: