बलात्कारीलाई १३ वर्ष कैद र १ लाख जरिवाना


प्रकाशित मिति :2015-07-07 09:30:39

भेषराज बस्नेत
imagesनेपालगन्ज, असार २२ । सामूहिक बलात्कार गर्ने ३ जनालाई बाँके जिल्ला अदालतले जनही १३ वर्ष कैद र  १ लाख रुपैयाँ जरिवानाको फैसला गरेको छ । २०७० कार्तिक १७ गते नेपालगन्जमा भएको सामूहिक बलात्कारको घटनाको अदालतले आईतबार उक्त फैसला गरेको हो ।

२०७० कार्तिक १७ गते नेपालगन्जको धम्बोझीदेखि घरतर्फ जाँदै गर्दा एक महिलालाई ३ जनाले सामूहिक बलात्कार गरेका थिए । साथीसँग मोटरसाइकलमा सवार रमालाई उक्त समूहले साथीबाट छुटाएर अपहरण गरी  राति ८ बजे उनको सामूहिक बलात्कार भएको थियो ।

जबरजस्ती करणी मुद्दामा जिल्ला अदालत बाँकेका न्यायाधीश हरी प्रताप केसीको इजलासबाट तीनै जना अपराधीलाई  जनही १३ वर्ष कैद र  १ लाख रुपैयाँ जरिवाना भएको श्रेस्तेदार आत्मदेव जोशीले बताउनुभयो । महिलालाई  साथीकै अगाडी  ती ३ जनाले  बलात्कार गर्नुका साथै उनीबाट २५ हजार ३ सय  रुपैयाँ नगद, सुनको औठीँ, सिक्री र मोबाइल समेत चोरेका थिए ।

पीडितले २०७० मंसिर १३  सामूहिक बलात्कार र चोरीको आरोपमा तीनै जनाविरुद्ध अदालतमा मुद्दा दायर गरेकी थिईन् । सामूहिक बलात्कार तथा चोरी गर्ने अरुण सिंह भन्ने अरुणपाल सिंह ठाकुर, सुरेश सिंह राठौर र काशीराम कोरीविरुद्ध मुद्दा दायर भएको थियो ।

प्रहरीले बलात्कारी मध्ये अरुणपाल सिंह ठाकुरलाई मात्र पक्राउ गरेको थियो भने दुई जना फरार थिए ।

फरार रहेका मध्ये काशीराम कोरीलाई २०७० माघ २२ गते  पक्राउ गरी पुर्पक्षका लागि थुनामा राखिएको थियो । तर, सुरेशसिंह राठौर भने हालसम्म फरार रहेको प्रहरीले जनाएको छ ।

पक्राउ परेका अरुणपाल सिंह ठाकुर र काशीराम कोरीले सामूहिक रुपमा जबरजस्ती करणी गरेको भन्दै   जनही १३ वर्ष कैदको सजाय भएको श्रेस्तेदार जोशीले जानकारी दिनुभयो ।

सामूहिक बलात्कारको अभियोगमा जिल्ला अदालत बाँकेले यति ठूलो सजायको फैसला पहिलो पटक गरेको हो । उक्त मुद्दामा वादी नेपाल सरकारका तर्फबाट जिल्ला न्यायाधिवक्ता सुशील देवकोटाले वहस गर्नुभयो ।

 प्रकाशित मितिः २०७२ असार २२ गते मङ्गलवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: