भारत, उत्तरप्रदेशः असार २२ ।

भारतको उत्तर प्रदेशमा प्रहरीबाट थाना भित्रै  जलाइएकी एक  महिलाको मृत्यु भएको छ । ती महिलाले  घुस दिन अस्वीकार गरेपछि दुईजना प्रहरीले उनलाई आगो लगाएको बीबीसीले जनाएको छ ।  प्रहरीद्वारा जलाईएकी नितु दवाडीलाई ८० प्रतिशत जलेको अवस्थामा लखनउ अस्पतालमा लगिएको थियो । उपचारका क्रममा मंगलवार विहान उनको मृत्यु भएको थियो ।  ४० बर्षीया  नितु दवाडीले प्रहरीले एक लाख रुपैया घुस मागेको कुरा मृत्यु हुनुअघि कानुन अधिकारी समक्ष बयान दिएकी थिइन्।  घुस दिन नमानेपछि  ती प्रहरीले  आफूलाई दुव्र्यवहार र अपमान गरेको  बताएकी थिइन् ।

आफ्ना श्रीमानलाई थुनामुक्त गर्न नितु  पुलिस थाना गएकी थिइन् । आरोपित प्रहरीले भने उनले आफैले आफैलाई  आगो लगाएको दाबी गरेका छन् ।

आरोपित प्रहरीलाई निलम्बन गरिएको छ भने उत्तर प्रदेशका मुख्य मन्त्री अखिलेश यादवले  घटनाको पुर्ण छानविन गर्न आदेश दिएको समाचारमा जनाइएको छ ।

पत्रकार समेत रहेका मृतकका छोरा जगेन्द्र सिंहले अपराधीले सजायँ पाएपछि मात्र आफूले  न्याय आफ्नी आमाको आत्माले  शान्ति पाउने बताएका छन् ।

प्रकाशित मिति :२०७२ असार २२ गते मङ्गलबार

तस्बिरः एजेन्सीबाट