अफगानिस्तानमा महिला न्यायाधीस अस्वीकृत


प्रकाशित मिति :2015-07-09 13:59:18

काबूल, असार २४ । अफगानी संसदले राष्ट्रपतिद्वारा मनोनित महिला न्यायधिसलाई अस्वीकार गरेको छ । राष्ट्रपति असरफ घानीले सर्वोच्च अदालतका लागि न्यायाधीसमा मनोनित गरेर पठाएको अनिसा रासोलीलाई संसदले अस्वीकार गरेको हो ।

महिला अधिकार सुरक्षित गर्न र महिलालाई प्रोत्साहन गर्ने सरकारी नीति अनुरुप घानीले अनिसा रासोलीलाई सर्वोच्च अदालतको न्यायाधिसमा पहिलो पटक मनोनित गरेका थिए ।

घानीले गरेको उक्त प्रयासलाई महिला अधिकारबादीहरूले ठूलो उपलब्धि भनेका थिए । तर,सांसदहरूले राजनैतिक संकट सिर्जना भएका बेला सरकार खतरामा पर्न सक्ने कारण देखाउँदै गत बुधवार रासोलीलाई अस्वीकार गरेका हुन् ।
संसदको बैठकपछि उपसभामुख हाजी जाहिर कादिरले राष्ट्रपति असरफ घानीलाई उक्त पदका लागि अर्को व्यक्ती मनोनित गर्न भनेका छन् ।

तालीवानीहरूले सरीया कानुन अनुसार महिलाले पढ्न, घरदेखि बाहिर काम गर्न, राजनीति र सार्वजनिक ठाँउमा बोल्न तथा भाग लिन पाउँदैनन् । अफगानिस्तानमा तालीवान समूह सत्ताच्यूत भए लगत्तै अन्र्तराष्ट्रिय दवावमा महिलाका लागि केही विद्यालय खोलिएको थियो भने संविधानमा महिला अधिकारका विषय समावेश गरिएको थियो  ।

अफगानिस्तानले सन् २००९ मा महिलामाथि हुने सबै प्रकारका विभेद अन्त्य गर्ने महासन्धि (सिड) मा हस्ताक्षर गरेको थियो । यहाँ तालिवान र अन्य रुढिवादी समुदायले गर्दा महिला हिंसा र विभेदहरू अन्त्य हुन नसकेको अधिकारकर्मीहरूको भनाई छ ।  एमनेस्टि इन्टरनेशनलले अफगानिस्तानलाई २०११ मा महिलाका लागि सबैभन्दा असुरक्षित देश भनेर घोषणा नै गरेको थियो ।
तस्बिर  : एजेन्सीबाट

प्रकाशित मिति २०७२ असार २४ गते बिहीवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: