बालिकाको उद्धार


प्रकाशित मिति :2015-07-09 15:40:36

महिला खवर
कास्की, असार २४। प्रहरीले पोखराको श्रेष्ठ खाजा घरबाट श्रम शोषणमा परेकी बालिकाकोे उद्धार गरेको छ।
होटल संचालक रामबहादुर श्रेष्ठले पढाइ दिने भन्दै पर्वत जिल्लाबाट पोखरा ल्याइएकी बालिकामाथि चरम शोषण भैरहेको सुचनाका आधारमा उद्धार गरिएको थियो।

बाल सञ्जालको सूचनाको आधारमा पोखरा उपनगरपालिका ८ सृजनाचोकस्थित श्रेष्ठ खाजा घरमा राखिएकी १५ वर्षीया बालिकालाई जिल्ला बालकल्याण समिति र शक्ति समूहको पहलमा प्रहरीले उद्धार गरेको शक्ति समूह पोखराका अध्यक्ष अनिसा लामाले बताउनुभयो।

घटनाको अनुसन्धानका लागि पीडितका तर्फबाट शक्ति समूहले प्रहरीको महिला बालबालिका सेवा केन्›मा उजुरी दिएको छ। उद्धार गरिएकी बालिकालाई शक्ति समूह पोखराले आफ्नो संरक्षणमा राखेको छ।

आरोपित होटल संचालक रामबहादुर श्रेष्ठ र पीडित पक्ष बीच इन्सेक पश्चिमाञ्चलमा घटनाको विषयमा लिएर छलफल भएको थियो। स्थानिय बाराही मावि कक्षा ६ मा अध्ययरत बालिका ७ वर्षदेखि श्रेष्ठको घरमा कामदारको रुपमा रहँदै आएकी थिइन्।

ती बालिका स्कुल नियमित नआउने, पढाई प्रति ध्यान नदिने, स्कुलमा झोक्राउने , टोलाउने गर्न थालेको भन्ने बिद्यालयबाट थाहा पाएपछि बाल संजालका प्रतिनिधिले उनीमाथि निगरानी राखेर उद्धारका लागि पहल गरेका थिए।

बालिकामाथि भएको घटनाको बारेमा अनुसन्धान भइरहेको जानकारी जिल्ला प्रहरी कार्यालय कास्कीका महिला बालबालिका सेवा केन्द्रका प्रमुख चन्द्र गुरुङले दिनुभयो।

प्रकाशित मिति २०७२ असार २४ गते बिहीवार

    Comment Here!

Related NEWS
मुख्य खबर

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

Read more
© 2015.All rights reserved by mahilakhabar.com
%d bloggers like this: