दलका महिलाले देशभर आँधीबेहरी ल्याउने


प्रकाशित मिति :2015-07-14 15:38:30

नुनता राई / कविता श्रेष्ठ

काठमाडौं, असार २९ । महिलाको पहिचान, समानुपातिक प्रतिनिधित्व र पहुँच स्थापित गरी नयाँ संविधानमा महिलाका अधिकार लिपिबद्ध गर्न अन्तर पार्टी महिला सञ्जालले माग गरेको छ । सञ्जालले ४७ बुँदे संशोधन प्रस्ताव प्रतिवेदन तयार पार्दै मस्यौदा संविधान संशोधन गर्नुपर्ने माग अघि सारेको हो ।
आज काठमाडौंमा सञ्जालले आयोजना गरेको मस्यौदा संविधान २०७२ को संशोधन प्रस्ताव सम्बन्धी छलफल कार्यक्रममा बोल्दै सञ्जालका अध्यक्ष शशी श्रेष्ठले पहिलो संविधान सभाले सम्बोधन गरेका धेरै विषय कटौती भएकाले राजनीतिक दलका शिर्ष नेता महिलाका विषयमा संवेदनशिल नभएको कुरा स्पष्ट भएको बताउनुभयो । उहाँले अधिकार कटौती गरेर आएको मस्यौदा संविधान विरुद्ध ५१ प्रतिशतले आँधिबेहरी ल्याउने चेतावनी दिनुभयो ।

नागरिकता, निर्वाचन प्रणाली, सम्पत्तिमा समान अधिकार, लगाएतका विषयमा गम्भिर भएर छलफल चलाउनु पर्ने अध्यक्ष श्रेष्ठको सुझाव छ । मस्यौदा संविधानमा महिलाका अधिकार कटौती भएकाले अधिकार स्थापित गर्नका लागि जिल्ला स्तरबाट समेत सञ्जालले तयार पारेका ४७ बुँदे संशोधन प्रस्ताव उठाउने र महिलाका विषय सम्बोधन नभए जिल्ला जिल्लाबाट विरोधमा उत्रने योजना रहेको उनीहरूले जानकारी दिए ।

DSC04103
कार्यक्रममा बोल्दै सञ्जालकी केन्द्रिय सदस्य यसोदा सुवेदीले मस्यौदा संविधान संशोधन नभए महिलाले गरेको सबै आन्दोलन उपलब्धि विहिन हुने बताउनु भयो । मस्यौदा संविधानले महिलालाई नागरिकको रुपमा स्वीकार नगरेकाले महिलाको अस्तित्व स्थापित गर्नको लागि अन्तिम अवस्थासम्म पनि लडि रहने बताउनुभयो ।

संविधान सभाका सदस्य अनिता देवकोटाले संविधानमा महिलाका विषय सम्बोधन गर्न आफु सक्रिय भएर लाग्ने बताउनु भयो ।
निर्णायक तहमा महिला नहुँदा संविधान महिला मैत्री हुन नसकेकाले, अब निर्णायक तहमा महिला पु¥याउने अभियान सुरु गर्नुपर्ने उहाँको तर्क छ ।

DSC04112
सभासद गरिमा शाहले संविधानका सकारात्मक विषयमा पनि चर्चा गर्नु पर्ने बताउनुभयो । सधै नकारात्मक कुरा गर्दा उपलब्धिहरू स्थापित गर्न समस्या हुने तर्क गर्नु भयो ।
७५ जिल्लामा संशोधन प्रस्तावको विषयमा छलफल चलाई सुझाव संकलन गर्ने तयारी गरेको सञ्जालले काठमाडौंमा विरोधका कार्यक्रम गर्ने भएको छ ।  कार्यक्रममा संविधान सभाका वर्तमान र पुर्व सभासद गरी ४० जनाको सहभागिता रहेको थियो ।

प्रकाशति मिति २०७२ असार २९ गते बुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: