भूकम्पपीडित गर्भवती र सुत्केरीको विचल्ली


प्रकाशित मिति :2015-07-18 12:05:00

अनु आचार्य
रसुवा, साउन २ । विनासकारी भूकम्प र शक्तिशाली पराकम्पपछि घरबारविहिनका भएका रसुवाका गर्भवती, सुत्केरी महिला र शिशुहरूमा स्वास्थ्यको गम्भीर समस्या देखिएको छ । बर्षा सुरु भएसगैँ त्रिपालको अस्थायी बास जलमग्न हुने, अस्थायी बासोबासमा स्वस्थ्य खानेपानीको अभाव र गुणस्तरीय खानाको अभावमा पालमुनी बस्दै आएका सुत्केरी महिला र शिशुहरूमा विभिन्न रोगको संक्रमण सुरु भएको छ ।

राहतमा चामल नुन तेललगायत खाद्यान्न पाएपनि प्रलयकारी भूकम्पले घरबार गुमाएका पीडितलाई लगाउने कपडाको अभाव चर्किएको छ । भूकम्प आउँदा लगाएको एकसरो कपडाको भरमा रहेका पीडितहरू राहतमा अत्यावश्यक सामाग्रीको रुपमा कपडा नपाएको हाकु गाविस की संगीता तामाङको गुनासो छ । उनले भनिन् ‘राहतको नाममा चामल, नुन तेललगायतका खाद्यान्न पायौं, तर, कपडाको नाममा एउटा मन्डी समेत पाइएको छैन । घरमा भएको लत्ता कपडा सबै पुरिएपछि नयाँ कपडा किन्ने पैसा छैन ।’

अस्थायी वासस्थानमा लगाउने र ओढने–ओछ्याउने कपडाको अभावले पनि दैनिकी कष्टकर बनाएको छ । विस्थापितहरू एकै पालमुनी बासोबास गर्दा महिलालाई असहज र असुरक्षित समेत देखिने पिरलो खट्कदै गएको छ ।
घरबारविहिन हुँदा सरकार र संघसंस्थाले खाद्यान्नमा सामान्य सहयोग गरेपनि दैनिकी चलाउन अत्यावश्यक रहेका सामाग्रीको अभाव हुँदा निकै समस्या भइरहेको संगीताले बताइन् ।

पालको बसाईंमा रहेका पीडितको छाप्रोमा विषालु जीवबाट बालबालिका कसरी बचाउने भन्ने चिन्ता थपिएको हाकुकै लक्ष्मी तामाङले बताइन् । अस्थायी बसोबासमा विषालु जीव, जंगली जन्तुबाट ज्यान बचाउन सामूहिक बासोबासमा रहेका विस्थापितहरू दुषित वातावरणले विभिन्न रोग फैलने खतरा बढेको तामाङको भनाइ छ । उनले भनिन् ‘किराले टोकेर मुख सुनिसक्यो अब कसरी बच्ने खानेपानी लिन पनि कहाँ जाने नजिक छैन १० देखि १५ मिनेट हिँडेर गयो पानी धमिलो छ ।’

यस्तै रजश्वला हुदाँ समस्या हुने हाकु गाविसका निरमाया तामाङको पीडा छ । ‘रजश्वला हुँदा पुरुष पनि एउटै लाईनमा हुदाँ एकै ठाउँमा बस्दा गाह्रो भयो । घरमा कपडा सबै पुरियो, रजश्वला हुँदा राख्ने कपडा समेत नहुँदा निकै सास्ती भएको छ,’ उनी सुनाउँछिन् ।
वैशाख १२ गतेको बिनासकारी भूकम्पबाट रसुवामा २७ जना बालबालिका टुहुरा बनेका छन् । एक सय ४० जना बालबालिकाले आमा र बुबा मध्ये १ जना गुमाए भने १ सय ३१ जना महिलाले श्रीमान गुमाएको तथ्याङ्क जिल्ला प्रशासन कार्यालय रसुवाले दिएको छ ।

महिलाका लागि बास र कपासको समस्या दिनप्रतिदिन बढदै जाँदा महिला तथा बालबालिका कार्यालय रसुवाले अस्थायी बासोबास गर्दै आएकालाई आवश्यक सामग्रीहरू उपलब्ध गराउने पहल जारी राखेपनि पुर्‌‍याउन नसकेको महिला तथा बालबिकास अधिकृत अन्जु ढुङगानाले बताइन् ।

प्रकाशित मितिः २०७२ साउन २ गते शनिवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: