आमाको सम्मानमा म्यूजिक भिडियो


प्रकाशित मिति :2015-07-19 13:22:35

महिला खबर
 पोखरा,साउन ३ । प्रायले आफ्नो जन्मदिनमा उपहार ग्रहण गर्ने र साथीभाइ माझ उत्सव मनाउने गर्छन् ।  जन्मदिने आमालाई के उपहार दिऊँ भनेर सायदै सोचिएला तर, संचारकर्मी सरस्वती गुरुङले आफ्नो जन्मदिनमा आमालाई  समर्पित गरेर ‘आमा’ गीति संग्रह सार्वजनिक गर्नुभयो ।

11754363_859463967469295_3288699772136987035_oआमा तिम्रो अंश हुँ, म तिम्रै ज्यानको टुक्रा हुँ,

तिम्रै आँशु पुँछु, आमा तिम्रै छेऊमा रहुँ,

आमाको महिमामा  कोरिएका शब्दलाई संगीतमा ढालेर आमाप्रति सम्मान गरिएको भिडियो संचारिका समूह पश्चिमाञ्चलले आयोजना गरेको कार्यक्रममा ५ जना आमाले संयूक्तरुपमा सार्वजनिक गरे । कार्यक्रममा लोक गायिका एंव प्राज्ञ हरीदेवी कोइराला, तमुधिं नेपालका अध्यक्ष कर्म तमु, साहित्यकार सरस्वती प्रतिक्षा, र श्रष्टाकी आमा पुर्ण कुमारी गुरुङ र ठूली आमा नन्द कुमारी गुरुङले संयुक्त रुपमा भिडियो विमोचन गरेका हुन् ।

विमोचन  कार्यक्रममा बोल्दै प्राज्ञ हरीदेवी कोइरालाले सन्तानको सच्चा माया नै आमा प्रतिको सम्मान भएको भन्दै यो गीतले आमाको महिमालाई सचित्र उतार्न सफल भएको बताउनुभयो ।

साहित्यकार सरस्वती प्रतिक्षाले सृष्टिकी सर्जक ममतामयी आमाप्रति समर्पित यस गीतले आमा प्रति सच्चा श्रद्धा जगाउन सफल भएको प्रतिक्रिया दिनुभयो । त्यसैगरी तमुधिं नेपालका अध्यक्ष कर्म तमुले गीतको हरेक शब्दले आमाप्रति सच्चा भाव व्यक्त गर्न सफल भएको बताउनुभयो । ।

‘चौतारी हौ आमा तिमीे, तिमी नै हौ छहारी
तिम्रै काखको ओत जस्तो, पाइन संसार चहारी’ जस्ता ओजपूर्ण र हृदयस्पर्शी शब्द रहेको गीती संग्रह आमामा १०८ जना आमालाई भिडियोमा देखाइएको छ ।

कृष्ण कुमार गुरुङको निर्देशनमा बनेको आमा गीतमा जय परियारको संगीत रहेको छ भने स्वर रीमा गुरुङ होडा को छ ।

स्रष्टा सरस्वती गुरुङले आमाको ममता, स्नेह र प्रेरणाले जीवनलाई सार्थक बनाउन सफल भएको भन्दै आमाको अनुहारमा देखिने खुशीले आफूलाई सँधै आनन्दित तुल्याउने गरेको बताउनुभयो । ‘यो गीत सम्पूर्ण आमा प्रति समर्पित छ, आमा सबैकालागि उत्तिकै प्यारो, सम्मानित नाम हो । आमा प्रतिको सच्चा सम्मानमा कुनै पनि सन्तानले कञ्जुस्याँइ गर्न हुँदैन, उहाँले भन्नुभयो ।

प्रकाशित मिति :२०७२ साउन ३ गते आईतवार

    Comment Here!

Related NEWS
मुख्य खबर

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

गैर सरकारी एकान्तबास

-मिश्र वैजयन्ती- सबभन्दा मायालाग्दो देखिएको छ भर्खरै किनेको बुट्टेदार सिरानीको खोल ।

गांधारी

-रञ्जना लिम्बू- ए गांधारी! चढेर युगहरुको अक्कर भीरहरु नाघेर सभ्यताका अग्ला पहाडहरु यहाँसम्म आइपुगेर टक्क अडिएका छन मेरा पाइलाहरु मलाई तिम्रो

युद्ध बिरामको घोषणा

-जानु काम्बाङ्ग लिम्बू- न तिमीलाई बुझ्न सकेँ मलाई बुझ्न सक्यौ तिमीले तेसै तेसै मोडीए हाम्रा पाइलाहरू उचालेर शंकाको

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

Read more
© 2015.All rights reserved by mahilakhabar.com
%d bloggers like this: