पार्टीभित्रका राजा झनै खतरनाक


प्रकाशित मिति :2015-07-19 13:55:55

महिला खबर

ललितपुर, साउन ३ । राजनीतिक दलका महिलाले निर्वाचन आयोगमा दल दर्ता गर्दा एक तिहाइ महिला सहभागिता नभएमा दर्ता गर्न नपाउने प्रावधान नयाँ बन्ने संविधानमा राख्नु पर्ने माग गरेका छन् ।

प्रत्येक राजनीतिक दलको संरचनामा न्यूनतम एक तिहाइ महिलाको सहभागिता सुनिश्चित नगरेका दललाई मान्यता दिन नहुँने व्यवस्था संविधानमै लेख्नुपर्ने माग अगाडी सारेका छन् ।

अन्तर पार्टी महिला सञ्जालले २४० वटा निर्वाचन क्षेत्रमा प्रत्येक राजनीतिक दलको संरचनामा न्यूनतम एक तिहाइ महिला सहभागिता सुनिश्चित हुनुपर्ने माग सुझाव संकलनका लागि निर्वाचन क्षेत्रमा पुगेका सभासद मार्फत संविधानसभामा पठाउने अभियाननै चलाएको अध्यक्ष शशी श्रेष्ठले जानकारी दिनुभयो । लैङ्गिक मैत्री संविधान बनाउँन सञ्जालले ४७ बुँदे माग राख्दै आएको छ ।

IMG_1353
यसैगरी एमाओवादी नेता हिसिला यमीले देशबाट राजा त फाल्यौ, तर पार्टी भित्रका राजा फाल्न नसक्दा महिला अधिकार कटौती गरेर प्रारम्भिक मस्यौदा आएको प्रतिक्रिया दिनुभयो । पार्टीभित्र रहेका राजा झनै खतरनाक भएको उहाँको दावी छ ।
यमीले महिला खबर डटकमलाई प्रतिक्रिया दिँदै भन्नुभयो ‘सबैभन्दा ठूलो हिंसा राजनीतिमा भएको छ, त्यसका लागि सबै पार्टीभित्रका महिलाले एउटा ठूलो संघर्ष गर्नैपर्छ ।’ राजनीतिक पार्टीमा ५० प्रतिशत महिला सहभागी नुहँदासम्म राज्यमा ३३ प्रतिशत पुग्न नसक्ने उहाँको तर्क छ ।
कांग्रेस सभासद् कुन्ती शाहीले राजीनितक दलभित्र महिला र पुरुषबीच ठूलो विभेदभैरहेको बताउँनुभयो । उहाँले प्रश्न गर्दै भन्नुभयो‘के हामी पार्टीभित्रको हिंसाबाट मुक्त छौ ?’
संघिय समाजवादी फोरमका केन्द्रीय सदस्य शुशिला श्रेष्ठले पार्टीहरूले महिलालाई भोट बैंकका रुपमा प्रयोग गर्दै आएको प्रति अपत्ति जनाउँदै भन्नुभयो, ‘एक तिहाइ महिला नभएको दल दर्ता गर्न नपाउने प्रवाधान संविधानमा सुनिश्ति गर्नुपर्छ, होइन भने महिलाको समान सहभागिता हुनै सक्दैन ।’
समानता र महिला हिंसा अन्त्यका लागि वंश, अंश एवं राजनीतिक अधिकार सबैभन्दा महत्वपूर्ण भएकाले अधिकार प्राप्तका लागि महिला सडक र सदनमा एक भएर लड्नु पर्ने बेला भएको उनीहरूले बताए ।

प्रकाशित मिति २०७२ साउन ३ गते आईतवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: