बलात्कारी र मानव तस्करलाई फाँसी दिन माग


सीता, भृकुटी र बुद्ध जन्मेकाे देश भनेर प्रस्तावनामा लेख्न सुझाव

प्रकाशित मिति :2015-07-21 14:58:06

महिला खबर 

भक्तपुर,साउन ५ । संविधानको मस्यौदामाथि सुझाव दिने भक्तपुर क्षेत्र नम्बर २ का जनताले बलात्कारी र महिला बेचविखनमा संलग्नलाई फाँसी दिने व्यवस्था नयाँ संविधानमा गर्न माग गरेका छन् ।

नागरिक सम्बन्ध तथा संविधान सुझाव समितिले आज भक्तपुरको नयाँ ठिमीमा आयोजना गरेको कार्यक्रममा बोल्दै रमेश थापा श्रेष्ठले बालिका बलात्कार गर्ने अपराधीहरूलाई फाँसी दिने व्यवस्था संविधानमा लेख्न सुझाव दिएका छन् ।

5
यसैगरी प्रेम कुमार श्रेष्ठले महिला तथा बालबालिका बेचबिखन गर्ने मानव तस्करहरूलाई पनि फाँसी दिने व्यवस्थाको माग गरेका छन् ।
कार्यक्रममा बोल्दै कृष्णलाल गोजश्रेष्ठले प्रस्तावनामा पितृसत्ता भन्ने शब्द राख्नुपर्ने सुझाव दिँदै भने ‘महिला अहिलेसम्म अगाडी आउन नसक्नुको मुख्यकारण पितृसत्तात्मक सोच नै हो ।’ उनले नागरिकतामा महिला र पुरुषको बराबरी अधिकार हुनपर्ने कुरामा जोड दिएका थिए ।

4
मजदुर महिला लक्ष्मीश्वरी प्रजापतीले सरकारी जस्तै नीति कम्पनीहरूमा काम गर्ने महिला कामदारलाई तलब सहितको सुत्केरी विदाको व्यवस्था संविधानमा उल्लेख हुनुपर्ने माग राखेकी छिन् । मस्यौदामा सुझाव दिँदै साबित्री कार्कीले राज्य संचालन आलोपालोको सिद्धान्त अनुसार गर्नुपर्ने सुझाव दिइन् ।  यसैगरी नगेन्द्र खड्काले सीता, भृकुटी र बुद्ध जन्मेकाे देश भनेर प्रस्तावनामै लेख्न जाेडदार माग गरेका छन् ।

प्रकाशित मिति २०७२ साउन ५ गते मंगलवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: