संविधानको मस्यौदामा यस्तो छ महिलाको सुझाव


प्रकाशित मिति :2015-07-21 17:25:33

महिला खबर

sujhabकाठमाडौं, साउन ५। महिलाले अशं र वशंको अधिकार संविधानमा सुनिश्चित हुनुपर्ने सुझाव सवै भन्दा बढी उठाएका छन्। संविधानमा सुझाव दिदै काठमाडौका महिलाले अंश र वंशको अधिकार पछि बलात्कारी र भ्रष्टाचारीलाई फँसीको सजाय हुनुपर्ने सुझाव दिए।

काठमाडौंको क्षेत्र नं १ अन्तर्गत थापागाउँस्थित सुझाव सङ्कलन केन्द्रमा आज भेला भएका महिलाले पैतृक सम्पत्तिमा समान हक, आमा वा बाबुको नामबाट सन्ततिले नागरिकताको प्रमाणपत्र प्राप्त गर्ने व्यवस्था, हुनुपर्ने माग गरे। यसैगरी भ्रष्टाचारी र बलात्कारीलाई कडा सजायको व्यवस्था कायम गर्न नागरिकका तर्फबाट सुझाव दिए ।

su 22

राज्यको नीतिनिर्माण तहमा महिलाको पहुँच वृद्धि गर्ने व्यवस्था मिलाउन, व्यवस्थापिका–संसदमा महिलाको प्रतिनिधित्व बढाउन आरक्षणको व्यवस्था मिलाउनुपर्ने सहभागी महिलाको सुझाव थियो।

यसैगरि काठमाडौं क्षेत्र १० स्थित सतुङ्गलमा आयोजित कार्यक्रममा सहभागी महिलाले महिला हिंसा, बलात्कारी तथा भ्रष्टाचारी प्रमाणित भएकालाई मृत्युदण्डको सजाय दिनुपर्ने माग गरे । काठमाडौँ क्षेत्र नं २ को बत्तीसपुतलीमा आयोजना गरेको सुझाव सङ्कलन कार्यक्रममा सहभागी महिलाले राष्ट्रपति वा उपराष्ट्रपतिमध्ये एक महिला हुनैपर्ने कानुनी व्यवस्था गर्नुपर्ने सुझाव दिए।

sunsari

काठमाडौँ निर्वाचन क्षेत्र नंम्बर ३ र ४ का सर्वसाधारणले महिलालाई शिक्षामा पहुँचको सुनिश्चित गरिनुपर्ने, महिलामाथि हिंसा गर्नेलाई कडा कार्वाहीको व्यवस्था हुनपर्ने सुझाव दिएका थिए। यस कार्यक्रममा सभासद् गीता रानाले महिला अधिकारका साथै शिक्षा, स्वास्थ्यजस्ता आधारभूत विषय संविधानमा समेटिएकाले आफूलाई लागेका कुरा निर्धक्कसँग अभिव्यक्त गर्न आग्रह गर्नुभएको थियो।

Sujha

यसैगरि बनेपामा आयोजित सुझाव संकलन गर्न आयोजित कार्यक्रममा सहमागी अधिकांशले बालिका बलात्कार गर्ने दोषीलाई फाँसीको सजाय हुनुपर्ने  माग गरेका छन्।

पनौती नगरपालिकाकी इन्दिरा भोजुँले बलात्कारीलाई फाँसीको सजाय हुनुपर्ने माग गर्दै महिलाका लागि महिलालाई नै निर्वाचनमा प्रतिस्पर्धा गर्ने गरी संवैधानिक व्यवस्था गर्नुभयो । काभ्रे कुशादेवी गाविसका जेएन सापकोटा र महिला अधिकारकर्मी जीवना वादेले बलात्कारीलाई दण्ड दिने प्रावधान मृत्युदण्ड नै हुनुपर्ने जिकिर गर्नुभयो ।

प्रकाशित मितिः २०७२ साउन ५ गते मङ्गलवार

याे पनि हेर्नुहाेस

बलात्कारी र मानव तस्करलाई फाँसी दिन माग

आफ्नो शरीर र प्रजननमाथि आफ्नो नियन्त्रण खोज्दै महिला 

नागरिकता सम्वन्धी प्रावधानलाई सुधार गर्न हस्ताक्षर अभियान 

पुरुषले मागे सुत्केरी विदा

सुझाव संकलनमा महिला सहभागिता (फाेटाे फीचर )

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: