महिलाको व्यक्तिगत घटना विवरण दर्ता न्युन


प्रकाशित मिति :2015-07-22 13:54:21

पुरुषको नाममा जग्गाको लालपूर्जा, बैँक व्यालेन्स तथा सम्पति रहेका कारण पुरुषको मृत्यु दर्ता समयमै गरिन्छ, तर महिलाको मृत्यु दर्ता कमैले गर्ने गरेका छन्।

खेमा बस्नेत

कैलाली, साउन ६ । कैलालीमा पुरुषको तुलनामा महिलाको मृत्यु दर्ता न्यून रहेको पाइएको छ। जिल्ला विकास समिति कार्यालय कैलालीको व्यक्तिगत घटना दर्ता विवरणमा मृत्यु भएका अधिकांस पुरुषको मृत्यु दर्ता गराउने गरिएको भएपनि महिलाको मृत्यु दर्ता भने न्युन देखिएको छ।

२०६४ सालमा कैलाली जिल्ला भर २ हजार ४० जना पुरुषको मृत्यु दर्ता भएको छ भने महिलाको मृत्यु दर्ता ५ सय १४ मात्र रहेको छ। ०६५ मा २ हजार ७ सय ७३ पुरुषको मृत्यु दर्ता भएकोमा महिलाको ७ सय १७ मात्र दर्ता भएको छ।
२०६६ मा महिलाको मृत्यु दर्ता ६ सय ६८ रहेको छ भने पुरुषको २ हजार ५९ रहेको बिबरणमा उल्लेख छ।

यसैगरी ०६७ सालमा २ हजार ४ सय ५३ पुरुषको मृत्यु दर्ता भएकोमा ९ सय ७२ महिलाको मात्र मृत्यु दर्ता गरिएकोे छ।
२०६८ मा ९ सय ५४ महिला र ३ हजार ८ सय ८५ पुरुषको मृत्यु दर्ता भएको उल्लेख छ। यसैगरि अन्य वर्षमा पनि पुरुषको तुलनामा महिला मृत्यु दर्ता एकदमै कम हुने गरेको तथ्यांकले देखाएको छ।

२०६९ मा पुरुषको मृत्यु दर्ता २ हजार २ सय २१ रहेको छ भने महिलाको ९ सय २१ मात्र रहेको छ। ०७१/७२ सालमा पनि २ हजार ४ सय ३२ पुरुषको मृत्यु दर्ता गरिएकोमा महिलाको भने १ हजार २ सय मात्र रहेको छ।

जिल्ला विकास समिति पञ्जिकरण शाखाका खरिदार नित्यानन्द जोशीका अनुसार विद्यालयमा भर्ना गराउँदा अनिवार्य जन्म दर्ता चाहिने हुँदा ढिलो भएपनि बालिकाको जन्म दर्ता गराउँछन् तर महिलाको मृत्यु दर्ता भने एकदम कमले मात्र गर्ने गरेका छन्।

जोशीले भन्नुभयो ‘जन्म दर्ता र मृत्यु दर्ता आवश्यक परेको समयमा मात्र गर्न आउँछन्। मृत्यु दर्ता गराउँनेमा बढी पुरुषको संख्या रहेको छ।’ उहाँले पुरुषको नाममा जग्गाको लालपूर्जा, बैँक व्यालेन्स तथा सम्पति रहेका कारण पुरुषको मृत्यु दर्ता समयमै गरिन्छ, तर महिलाको मृत्यु दर्ता कमैले गर्ने गरेको बताउनुभयो।

गाविस तथा नगरपालिकामा जन्म र मृत्यु भएको ३५ दिन भित्र दर्ता गराउँदा कुनै शुल्क लाग्दैन। जोशीले भन्नुभयो ‘व्यक्तिगत घटना विवरण भर्न ३५ दिन भित्र आए कुनै पनि जरिवाना तिर्नुपर्दैन।’

प्रकाशित मितिः २०७२ साउन ६ गते बुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: