दलका नेताको कठालो समात्नुस् : डा.भट्टराई


प्रकाशित मिति :2015-07-23 11:14:36

नुनुता राई

काठमाडौं,साउन ७ । संवाद समितिका सभापति डा.बाबुराम भट्टराईले समितिमा सहमति भएका निर्णयहरु अनाधिकृत ढंगले मस्यौदा समितिमा गएर उल्टिएको बताउनु भएको छ ।

अन्तर पार्टी महिला सञ्जालले मस्यौदा संविधानमा दिएको ४७ बुँदे लिखित सुझाव बुझ्दै डा.भट्टराईले सम्बाद समितिमा सहमति भएको कुरा मस्यौदा समितिले आफ्नो क्षेत्र अधिकार नाघेर उल्ट्याउनु दुर्भाग्य भएको बताउनुभयो ।

४७ बुँदे माग बोकेर सभापति भट्टराई कहाँ पुगेका सञ्जालका प्रतिनिधिहरूलाई उहाँले महिलाका अधिकार सुनिश्चित गर्नका लागि संवाद समितिमा रहेका आआफ्ना नेताको कठालो समात्न सके निर्णय गर्न सजिलो हुने सुझाव दिनुभयो ।

उहाँले भन्नुभयो ‘तपाईहरूले दिएका सुझाव जायज छन् । यसमा म सत प्रतिशत सहमत छु । दलिय राजनीति हो । मैले सकेजति माग संविधानमा सम्बोधन गर्न प्रयास गर्नेछु ।’

baburam 1
ग्रामीण क्षेत्रका मुस्लिम, दलित र जनजाती महिलाले आफ्नै भाषा शैलीमा महिलाका अधिकार सुनिश्चित गर्न मस्यौदा संविधान संशोधनका लागि आफ्नो निर्वाचन क्षेत्रबाट सुझाव दिएको भट्टराईले सुनाउनु भयो ।

यसैगरी संविधान सभाका सभामुख सुवास चन्द्र नेम्वाङले सञ्जालको सुझव बुझ्दै बढी भन्दा बढी जनताको सुझाव समेट्ने प्रतिवद्धता जनाउनुभयो ।

संविधान सभा नागरिक सम्बन्ध तथा संविधान सुझाव समितिका सभापति प्रमिला राणाले महिलाको हक अधिकार सुश्चित गर्न आफ्नो तर्फबाट सक्दो प्रयास गर्ने कुरा सञ्जाल प्रतिनिधिहरूसंगको भेटमा राख्नुभयो । सञ्जालले सभापति राणालाई ४७ बुँदे लिखित सुझाव उहाँकै कार्यकक्षमा पुगेर बुझाएको हो ।

अन्तर पार्टी महिला संञ्जालकी अध्यक्ष शशी श्रेष्ठको नेतृत्वमा गएको टोलीले महिलाको पहिचान, समानुपातिक प्रतिनिधित्व,नागरिकतामा समान अधिकार र राज्यको हरेक निकायमा पहुँच स्थापित गर्ने गरी नयाँ संविधानमा महिलाका अधिकार लिपिबद्ध गर्न सुझाव दिएको हो ।

यसैगरी सञ्जालले दिएको सुझावमा मस्यौदा संशोधन प्रस्तावमा पितृसत्तात्मक थप्नुपर्ने, राष्ट्रप्रमुख र उपराष्ट्रप्रमुख महिला र पुरुष आलोपालोको सिद्धान्त अनुसार हुनुपर्ने, महिला प्रजनन् स्वास्थ्यको हक सुनिश्चित गर्नुपर्ने लगायत रहेका छन् ।

प्रकाशित मिति २०७२ साउन ७ गते बिहीवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: