जोखिमपूर्ण यात्रामा रहेका पाँच सय जना महिलाको उद्धार


प्रकाशित मिति :2015-07-23 13:01:33

महिला खबर

नेपालगन्ज, साउन ७ । जोखिमपूर्ण यात्रामा रहेका पाँच सय जना भन्दा बढि महिलालाई नेपालगन्ज नाकाबाट उद्धार गरिएको छ । मानव वेचविखनविरुद्ध कार्यरत संस्था माइती नेपालले आर्थिक वर्ष २०७१/०७२ मा नेपालका विभिन्न जिल्लाबाट भारत जाँदै गरेका ५ सय ९ जनालाई नेपालगन्ज नाकाबाट उद्धार गरेको हो । गत वर्ष ४ सय ४ जनालाई उद्धार गरिएको थियो ।

उद्धारपछि उनीहरूलाई आफन्तको जिम्मा लगाईएको माईती नेपाल नेपालगन्जका संयोजक केशव कोईरालाले जानकारी दिनुभयो । उहाँका अनुसार यो अवधिमा सीमा नाकाबाटै ३ सय ६८ जनालाई परामर्श दिई फिर्ता गरिएको छ ।

माइती नेपालको नेपालगन्ज नाकामा रहेको परामर्श केन्द्र

माइती नेपालको नेपालगन्ज नाकामा रहेको परामर्श केन्द्र

गएको १२ महिना यता नेपालगन्ज नाकाबाट ५ सय ३ जनालाई माइती नेपालले मानब बेचबिखन र सुरक्षित बसाई सराई बारे जानकारी दिई पारिवारिक पुनर्मिलन गराएको छ ।

गत आर्थिक वर्षमा मात्रै माइती नेपाल नेपालगन्जमा ३ सय ७३ जना महिलाको खोजतलासको लागि निवेदन परेको छ । अघिल्लो आर्थिक वर्षमा ३ सय २८ निवेदन परेको थियो ।

 ३ सय ७३ निवेदन मध्ये ४० जना मात्रै फेला परेको माइती नेपाल नेपालगन्जका संयोजक कोईरालाले बताउनुभयो । माइती नेपाल नेपालगन्जले श्रम र यौन शोषणमा परेका २० जनालाई गत आर्थिक वर्षमा उद्धार गरेको छ ।

यो क्षेत्रमा मानव बेचबिखनविरुद्ध काम गर्ने संस्थाहरूको संख्या बढे पनि मानव बेचबिखनका घटनामा कमी आउन सकेको छैन् ।

प्रकाशित मिति : २०७२ साउन ७ गते बिहीवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: