बेच्न लगिएका पाँच जनाकाे उद्धार


तीन महिनामा ६६ जना फर्काइए

प्रकाशित मिति :2015-07-23 19:01:07

निर्मला ठकुराठी
महेन्द्रनगर, साउन ७ । दलालले इराक पठाइदिने भन्दै भारततर्फ लैजाँदै गरेको अवस्थामा कञ्चनपुरको गड्डाचौकी नाकाबाट पाँच जनाको उद्धार गरिएको छ ।
माइती नेपाल कञ्चनपुरले आज बिहान प्रहरीको सहयोगमा काठमाडौंबाट दिल्लीका लागि छुटेको बसबाट चार महिलासहित एक पुरुषको उद्धार गरेको हो ।

सिन्धुपाल्चोकका तीनजना महिला र खोटाङका एक महिला र एकजना पुरुष गरी पाँच जनाको उद्धार गरिएको माइती नेपाल कञ्चनपुरकी संयोजक महेश्वरी भट्टले जानकारी दिनुभयो ।

उद्धार गरिएका सिन्धुपाल्चोककी ३७ वर्षीया पासाङ ल्हामु तामाङ, ३८ वर्षीया निमा शेर्पा, ३२ वर्षीया सबिता तामाङ हुन् । त्यसैगरी खोटाङ मात्या घर भएकी ४१ वर्षीया उमा राई र उनकी दिदीका छोरा १८ वर्षीया अशोक राइको उद्धार गरिएको जिल्ला प्रहरी कार्यालय कञ्चनपुरका प्रहरी नायव उपरिक्षक अभिनारायण काफ्लेले बताउनुभयो ।

काठमाडौंका बिभिन्न ठाउँमा शिवीरमा बसिरहेका उनीहरूले भारतको हिमाञ्चल प्रदेशमा आफन्त भेट्न जान लागेको बताएका थिए । सोधखोज गर्दा इराक जानलागेको पत्ता लागेपछि उनीहरूलाई रोकेको प्रहरी नायव उपरिक्षक काफ्लेको भनाइ छ । अहिले माइतीनेपाल कञ्चनपुरको संरक्षणमा रहेका उनीहरूलाई परिवारको जिम्मा लगाइने माइती नेपालकी संयोजक भट्टले बताउनुभयो ।

भूकम्पपछि अहिलेसम्म कञ्चनपुरबाट मात्रै भारत तथा तेस्रो मुलुक जानलागेका ६६ जनाको उद्धार गरिएको संयोजक भट्टको भनाइ छ । उनीहरू सिन्धुपाल्चोक, ललितपुर, भक्तपुर, नुवाकोट, मकवानपुर, र चितवनका थिए । ६६ जना मध्ये १० जनालाई माइती नेपालको संरक्षणमा राखिएको र बाँकीलाई पारिवारको जिम्मा लगाइर्एको संयोजक भट्टले बताउनुभयो ।

प्रकाशित मितिः २०७२ साउन ७ गते बिहीवार

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: