महिनावारीका बेला शौचालय प्रवेश निषेध


प्रकाशित मिति :2015-07-24 14:08:49

खुल्ला दिसामुक्त जिल्ला बाजुरामा महिनावारी भएका बेला महिलाले शौचालय प्रयोग गर्न पाउँदैनन् । यस्तोवेला खुल्ला ठाउँमा दिसा पिसाव गर्ने  गरेकाे उनीहरू बताउँछन् ।

महिला खबर

बाजुरा, साउन ८ । बाह्रबिस –६ बासुरेकी रीता शाही महिनावारी भएका बेला शौचालय प्रयोग गर्न पाउँदिनन् । महिनावारी हुँदा खुला ठाँउमा शौच गर्नुपर्ने बाध्यता उनीमा रहँदै आएको छ । जिल्ला खुल्ला दिसा मुक्त घोषणा भएपनि महिनावारीका समयमा उनले खुल्ला ठाउँमा दिसापिसाव गर्नुपर्छ ।

२० वर्षीया रीता शाही कक्षा १२ मा अध्यनरत छन् । ‘१५ वर्षमा महिनावारी भएकी हुँ, अहिलेसम्म छाउ भएका बेला कहिल्यै चर्पी प्रयोग गर्न पाएकी छैन’, रीता भन्छिन् । रीता जस्तै शुशिला शाही पनि महिनावारी भएको समयमा शौचालयको प्रयोग गर्न पाउँदिनन् । ‘चर्पी र चर्पीमा राखेको पानी छोइन्छ भन्दै आफूहरूलाई घर परिवारले चर्पीमा दिसा पिसाव गर्न नदिने शुशीलाले बताइन् ।
chhau
बाजुरा जिल्ला खुलादिशामुक्त घोषणा भएपनि महिनावारी हुँदा महिला खुल्ला ठाँउमा शौच गर्न बाध्य छन् ।

‘सबै तिर खुला दिशामुक्त अभियान सञ्चालन भईरहेका छन्, तर हामीले भने महिनावारी भएको बेला खुला ठाँउमा दिसापिसाब गर्ने गरेका गरेका छौं’, जलु नेपालीले भनिन् ।

शौचालयको प्रयोग मात्र नभई महिनावारीको समयमा सार्वजनिक धारा पँधेराको प्रयोगमा समेत उनीहरूलाई निषेधित गरिएको हुन्छ । पर्याप्त धारा र पँधेराको अभाव रहेको बाजुरामा महिनावारी हुँदा नुवाई धुवाई समेत फोहर खोलाको पानीमा गर्नुपरेको महिलाले बताए ।

महिनावारी भएकी अविवाहित महिला र सुत्केरी महिलालाई यो नियम झन कडा छ ।

‘अछाम, बाजुरा, डोटी र बझाङ्ग जिल्ला भरी नै महिनावारीका बेला महिलाले शौचालय र सार्वजनिक धारा पँधेरा प्रयोग गर्न पाउँदैनन्’,महिला स्वास्थ्य स्वयमसेविका सीता बिक भन्छिन् । महिनावारी भएको बेला महिलाहरू गाई बस्तु बस्ने गोठ वा ओडारमा बस्ने गर्दछन् ।

प्रकाशित मितिः २०७२ साउन ८ गते शुक्रवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: