‘घरेलु हिंसाको उजुरी पाँच गुणाले वृद्धि’


प्रकाशित मिति :2015-07-26 13:46:57

धनु राई

ओखलढुङ्गा, साउन १० । नेपाल प्रहरीमा घरेलु हिंसा सम्बन्धि उजुरीको संख्या गत आर्थिक वर्षमा ह्वात्तै बढेको देखिएको छ ।  आर्थिक वर्ष ०७०/७१ मा भन्दा ०७१/७२ मा पाँच गुणाले उजुरी बढेको महिला तथा बालबालिका सेवा निर्देशनालय प्रमुख एवम् प्रहरी नायब महानिरिक्षक मिङमार लामाले बताउनुभयो ।

भूकम्पपछि महिला तथा बालबालिकाको अवस्था बुझ्न शनिवार  ओखलढुङ्गा सदरमुकाम आईपुग्नुभएका डिआईजी लामाले अघिल्लो वर्ष एक हजार आठ सय घरेलु हिंसाको उजुरी परेकोमा यसवर्ष आठ हजार छ सय पुगेको बताउनुभयो ।

‘यो अपराध बढेको होइन । उजुरीमात्र बढेको हो ।’ लामाले भन्नुभयो, ‘यसको पछाडी मान्छेहरू आफ्नो पीडा निडर बनेर प्रहरीकहाँ उजुरी दिन सक्ने चेतना बढेको हो ।’ मध्यपश्चिम र पूर्वको तुलनामा सुदुरपश्चिममा महिलाको आत्महत्या गर्ने दर पाँच गुणाले बढी भएको लामाले बताउनुभयो ।

यसको पछाडी घरेलु हिंसा जस्ता घटना बढी भएको उहाँको दाबी छ । अन्तरक्रिया कार्यक्रममा सहभागी सरोकारवालाले महिला र बालबालिका सम्बन्धि कतिपय घटनाहरू प्रहरीसम्म आई नपुगी मिल्ने गरेको बताए ।

प्रहरीले सजिलोसँग उजुरी दर्ता नगर्नु,  राजनीतिक पहुँच र दबाबको कारण घटना प्रहरीसम्म आउन नसकेको उनीहरूको भनाइ थियो । डिआईजी लामाले आगामी दिनमा प्रहरीलाई थप दक्ष बनाउँदै यस्ता समस्या समाधान गर्न आफ्नो तर्फबाट पहल गर्ने प्रतिबद्धता जनाउनुभयो ।

प्रकाशित मिति: २०७२ साउन १० गते आईतवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: