बाँकेमा बलात्कारका घटना दोब्बर


प्रकाशित मिति :2015-07-27 12:05:09

महिला खबर
नेपालगन्ज, साउन ११ । बाँके कोहलपुर क्षेत्रमा पछिल्लो समय जबर्जस्ती करणीका घटना बढ्दो क्रममा रहेका छन् । पछिल्लो तीन वर्षको अवस्था हेर्दा अघिल्लो आर्थिक वर्षको भन्दा झण्डै दोब्बरले जबर्जस्ती करणीका घटना भएका छन् ।

विगतमा जबर्जस्ती करणीलाई गाउँमै मिलाउने, प्रहरी कहाँसम्म नआउने अवस्था थियो । तर, अहिले करणीका घटना प्रहरी कहाँ सहज रुपमै आउन थालेको ईलाका प्रहरी कार्यालय कोहलपुरका प्रहरी नायव उपरीक्षक टिका बहादुर केसीले बताउनुभयो ।

पछिल्लो तीन वर्षको तुलनामा गत आर्थिक वर्ष २०७१/०७२ मा अघिल्लो आर्थिक वर्ष २०७०/०७१ को भन्दा झण्डै दोब्बरले जबर्जस्तीका घटना घटेको उहाँले जानकारी दिनुभयो । उहाँका अनुसार अघिल्लो वर्षमा जबर्जस्ती करणीका १९ ओटा मुद्दा दर्ता भएका छन् । अघिल्लो वर्ष १० ओटा त्यस्ता खालका मुद्धा आएका थिए । आर्थिक वर्ष २०६९/०७० मा भने ११ ओटा जबरजस्तीकरणीका मुद्दा प्रहरी कहाँ दर्ता भएका थियो ।

विभिन्न घटनाका हिसाबले जिल्लाकै संवेदनशिल मानिने कोहलपुर क्षेत्रबाट गत वर्ष मात्र प्रहरी कार्यालयमा २ सय ७८ ओटा मुद्धा परेका छन् । अघिल्लो वर्षमा २ सय ४१ र २०६९/०७० मा २ सय २८ ओटा विभिन्न प्रकृतिका मुद्दाहरू आएका थिए । जबर्जस्ती करणी उद्योग तर्फ गत आवमा ५, अघिल्लो आवमा ५ र आव २०६९/०७० मा १ ओटा मुद्दा परेका छन् ।
लागु औषध तर्फ गत वर्षमा १६ ओटा मुद्दा परेको प्रहरी नायव उपरीक्षक केसीले बताउनु भयो । उहाँका अनुसार अघिल्लो आवमा ८ र आव २०६९/०७० मा २ ओटा मुद्दा परेका छन् ।

प्रकाशित मिति २०७२ साउन ११ गते सोमवार

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: