कमलफूल फुलाउने महिला


प्रकाशित मिति :2015-07-29 14:51:13

जमुनावर्षा शर्मा

लेखनाथ,साउन १२ । बेगनास तालमा बाँध बाधेपछि पानीको गहिराई बढ्यो । पानीको गहिराई बढेसँगै तालको आकर्षणका रुपमा रहेको कमल फूल लोप हुँदै गयो ।

फूल मासिन थालेपछि तालको सौन्दर्य हराउन थाल्यो । तालको सौन्दर्यका रुपमा रहेको कमलफूल संरक्षणका लागि स्थानीय महिला अगाडि सरे । महिलाले फुललाई ताल छेऊको पुरानो खुदी खोलामा रोप्न थाले । कमलफूलको संरक्षणका लागि अगाडि सरेका महिला अहिले यसैबाट आयआर्जन गरिरहेका छन् । महिलाले समूहमा खुदी खोलाको २ रोपनी जग्गामा कमलफूलको व्यावसायिक खेती नै गरेका छन् ।

कमलको फूल सुन्दरता र धार्मिक हिसावले मात्र हैन आर्युर्वेदिक औषधीका लागि समेत उपयोगी हुने भएकाले यसबाट आय आर्जन गर्न थालिएको हो ।

aruna-12
कमल फूलको गेडालाई जण्डिसको औषधीका रुपमा प्रयोग गर्नेहरू बढ्दै गएपछि आम्दानीको श्रोत बन्न थालेको बेगनास महिला समूहकी अध्यक्ष सुनिता भट्टराई बताउनुहुन्छ । कमल फूल साउन महिलाबाट फुल्ने गर्दछ । एउटा फुललाई ५ देखि १० रुपैयाँमा बेच्ने गरेको समूहकी सचिव शारदा अधिकारी जानकारी दिनुभयो ।

समूहका महिलाले कमल फूलको खेतीबाट भएको आम्दानीले आफ्नै भवन निर्माण गरेका छन् । सोही भवनबाट मासिक ६ हजार रुपैयाँ भाडा आउने सचिव अधिकारीले बताउनुभयो । ८३ जना सदस्य रहेको वेगनास महिला समूह विभिन्न सिपमुलक तालिम, मेला महोत्सव र नगर सरसफाइमा समेत क्रियाशील रहेको छ ।

कमल फूल बचाउँने र आय आर्जन गर्ने महिलाको योगदान प्रसंशनीय रहेको लेखनाथ नगरपालिकाका कानुन अधिकृत राममणी अधिकारी बताउनुहुन्छ । समूहमा आबद्ध महिला ०६० सालदेखि कमल फूलको संरक्षण गर्दै व्यावसायिक खेतीमा जुटेका हुन् ।

11749852_807718256012344_1268286485_n

प्रकाशित मितिः २०७२ साउन १२ गते मंगलवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: