कथित बोक्सीविरूद्ध नयाँ कानुन


प्रकाशित मिति :2015-07-31 12:51:02

महिला खबर
काठमाडौं,साउन १५ । बोक्सीको आरोप कसुर र सजाय विधेयक २०७१ व्यवस्थापिक संसदबाट सर्वसम्मतिले पारित भएको छ । संसदमा प्रस्तुत विधेयक सामान्य छलफलपछि पारित भएको हो ।

मुलुकको सामाजिक समस्याको रुपमा रहेको बोक्सी तथा महिलामथि हुने दुर्व्यवहार नियन्त्रण गर्न र दोषीलाई कानुनी कार्वाहीको दायरामा ल्याउने व्यवस्था गर्न भन्दै महिला बालबालिका तथा समाजकल्याण मन्त्री नीलम केसीले व्यवस्थापिका संसदमा यो विधेयक पेश गर्नुभएको थियो ।

बोक्सी वा बोक्सीको आरोपमा यातना दिने अमानवीय कार्यलाई दण्डनीय बनाई सामाजिक कुरीति तथा अन्धविश्वासका रुपमा रहेको त्यस्तो कार्य निवारण गर्न यो विधेयक ल्याईएको सभासद डोर प्रसाद उपाध्यायले बताउनुभयो ।

राष्ट्रिय महिला आयोगका अध्यक्ष शेष चाँदताराले बोक्सीको आरोप सम्बन्धी कसुर तथा सजाय विधेयक २०७१ संसदबाट पास भएकोमा खुशी व्यक्त गर्दै भन्नुभयो ‘लामो प्रयास पछि यो कानुन बनेर आयो । अब महिलालाई न्याय दिलाउन सकिन्छ । यसमा कानुनी व्यवस्था बलियो गरी आएको छ ।’

यो कानुनमा कसुर अनुसार दण्ड सजाय, जरिवाना र क्षतिपूर्तिको व्यवस्था तथा कसुर गर्ने व्यक्तिलाई बढीमा १५ वर्षसम्म कैद र १ लाख रुपैयाँसम्मको जरिवाना दिने उल्लेख छ ।

महिला,बालबालिका ज्येष्ठ नागरिक र समाजकल्याण समितिका सभापति रञ्जुकुमारी झाले विधेयक दफावार छलफलपछि सुझावसहित समितिको प्रतिवेदन प्रस्तुत गर्नुभएको थियो ।

यसैबीच बोक्सी आरोप (कसुर र सजाय) विधेयक २०७१ सर्वसम्मतिले पास गरेकोप्रति मानववादी समाज (सोच) नेपालले विज्ञाप्ती जारी गरी सरकारलाई धन्यवाद दिएको छ ।
सोच नेपालका महासचिव अप्सरा कार्कीद्वारा शुक्रबार जारी प्रेस विज्ञप्तीमा भनिएको छ ‘सामाजिक अन्धविश्वास र कुरीतिका रुपमा विद्यमान बोक्सी प्रथालाई निवारण गर्नका लागी ल्याईएको यो विधेयकले कथित बोक्सीको आरोपमा निमर्मतमा पूर्वक हत्या गर्ने, शारिरीक र मानसिक यातना दिने, गाउँ निकाला गर्ने, घर निकाला गर्ने, मलमूत्र खुवाई यातना दिने लगायतका अमानवीय कार्यलाई नियन्त्रण गर्ने छ ।’

प्रकाशित मिति : २०७२ साउन १५ गते शुक्रवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: