पहिरोमा ३१ को मृत्यु : १४ महिला र ४ बालिका परे


प्रकाशित मिति :2015-07-31 14:35:25

महिला खबर
पोखरा, साउन १५ । बुधबार राति आएको पहिरोले कास्कीको लुम्ले, भदौरे तामागी र ढिकुरपोखरीको पहिरोमा परी मृत्यु हुनेको संख्या ३१ पुगेको छ । ती मध्ये १४ महिला र ४ बालिका रहेको जिल्ला प्रहरी कार्यालय कास्कीले जानकारी दिएको छ ।  प्रहरीका अनुसार पहिरोमा परी १० जना वेपत्ता भएका छन् ती मध्ये ३ महिला र २ बालिका रहेका छन् ।

प्रहरीले दिएको जानकारी अनुसार लुम्लेमा २४, भदौरे तामागीमा पाँच र ढिकुरपोखरीमा दुईजनाको मृत्यु भएको छ । भदौरे तामागीमा ४ र लुम्लेमा ६ गरी १० जना बेपत्ता भएका छन् । भदौरेमा १५, लुम्लेमा ३ र ढिकुरपोखरीमा १ गरि १९ जना घाइते भएका छन् । घाइते १९ मध्ये १० महिला र ३ बालिका रहेका छन् उनीहरूको मणिपाल शिक्षण अस्पतालमा उपचार भइरहेको छ । उनीहरूको अवस्था चिन्ताजनक रहेको अस्पतालले बताएको छ ।

पहिरोमा बेपत्ताको खोजी कार्यका लागि शुक्रवार विहानैबाट नेपाल प्रहरी, शसस्त्र प्रहरी, नेपाली सेना र स्थानियवासी खटिएका छन् । विहीबार साँझदेखि पानी परेपछि राति खोजी र उद्धारको काम रोकिएको थियो । शुक्रबार विहानैबाट पुनः उद्धारमा जुटेको प्रमुख जिल्ला अधिकारी कृष्ण राउतले जानकारी दिनुभयो ।

बुधबार साँझदेखि परेको वर्षाका कारण पहिरो गएको हो । पोखरा– बाग्लुङ राजमार्गको दर्जनौं स्थानमा गएको पहिरो हटाएपछि एकतर्फी राजमार्ग खुलेको प्रहरीले जानकारी दिएको छ । रुख सहितको लेदो माटो सडकमा थुप्रिएका कारण समस्या आएको थियो ।

प्रकाशित मितिः २०७२ साउन १५ गते शुक्रवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: