अब रमिते हुन्नाैंः स्वयंसेवी महिला


प्रकाशित मिति :2015-08-01 09:48:07

महिला खबर

पोखरा, साउन १६। पोखरा ढिकालेथर कि तुल्सी आचार्यले सडक दुर्घटनाका धेरै घटना देखिन्। तर आवश्यक सिप र दक्षताको अभावले त्यस्ता घटनामा रमिते मात्रै बन्थिन्। के गर्नुपर्छ र के गर्ने हो? उनलाई केहि थाहा थिएन। तुल्सीले ४ दिने प्राथमिक उपचार र सडक सुरक्षा सम्बन्धि सैद्धान्तिक र व्यवहारिक ज्ञानको अभ्यासपछि भने स्वयंसेवी भएर प्राथमिक उपचार गर्ने दक्षता हासिल गरेकी छिन्। पोखरा इन्जिनियरिङ्ग क्याम्पसबाट भर्खर व्याचलर अफ इन्जिनियरिङ्ग सकेकी २३ वर्षीया तुल्सीले स्वास्थ्य सवैभन्दा महत्वपुर्ण भएकाले अध्ययनको विषय फरक भएपनि तालिममा सहभागी भएको बताइन्।

‘दैनिक जीवनमा धेरै साना तिना दुर्घटना भइरहन्छन् तर प्राथमिक उपचारको ज्ञान नहुँदा जटिल अवस्थामासम्म पुग्न सक्छ। अब भने त्यस्ता समस्यालाई समाधान गर्न सक्ने भएकी छु ‘ तुल्सीले भनिन्।

त्यसैगरी पोखरा ११ रानीपौवाकी सृजना ढकाल चार्टड अकाउन्टेन को अन्तिम परीक्षा दिएर बसेकी हुन्। ढकाल प्राथमिक उपचार कसरी गर्ने भन्ने कुरा हरेक घरका सदस्यले जान्नु आवश्यक रहेको बताउँछिन्। ‘मैले तालिमबाट जे कुरा सिकेँ त्यसलाई व्यवहारमा उतार्ने छु। अब दुर्घट्नास्थलमा दर्शक र रमिते भएर होइन प्राथमिक उपचारको स्वयंसेवी भएर सेवामा समर्पित हुनेछु’ उनले भनिन।

भर्खर १२ कक्षाको परीक्षा दिएकी आस्मा तिमिल्सिनालाई पनि स्वास्थ्य स्वयम्सेवी भएर सेवामा जुट्ने इच्छा जागेको छ । आस्मा भन्छिन् ‘यो मानवतामा आधारित नैतिक सहयोग हो, म प्राथमिक उपचार र सडक सुरक्षाको स्वय्मसेवी भएर घाइतेको जीवन रक्षाको साथसाथै युवामा सकारात्मक सन्देश दिन चाहान्छु।’

कास्कीको कोत्रेदेखि लुम्लेसम्म अत्याधिक सडक दुर्घटना हुने भएकोले यस क्षेत्रलाई लक्षित गरेर नेपाल रेडक्रस सोसाइटी कास्कीले समुदायस्तरमा प्राथमिक उपचार तथा सडक सुरक्षा सम्बन्धि तालिमहरू संचालन गर्दै आएको तालिमका कार्यक्रम अधिकृत प्रतिभा सापकोटाले जानकारी दिनुभयो।
४ दिनसम्म संचालित तालिममा १२ जना महिला सहभागी थिए। तालिममा सडक दुर्घटना एवं विभिन्न प्रकोपमा परेर घाइते भएकाहरूकोे प्राथमिक उपचार गरेर कसरी सुरक्षित तरिकाले अस्पताल पुर्‍याउने भन्ने बारे सैद्धान्तिक र व्यवहारिक अभ्यास गराइएको थियो।

प्रकाशित मितिः २०७२ साउन १६ गते शनिवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: