मुस्लिम महिला शसक्तिकरण आवश्यक


प्रकाशित मिति :2015-08-03 16:35:50

सृजना अर्याल

चितवन, साउन १८। मुस्लिम समुदायका महिलालाई शसक्तिकरण आवश्यक रहेको एक कार्यक्रमका वक्ताले औंल्याएका छन् । जिल्ला महिला पैरवी मञ्च चितवनको आयोजनामा चितवन जिल्लाका मुस्लिम महिलाका लागि शसक्तिकरण तथा कानुनी प्रशिक्षण कार्यक्रममा बोल्ने वक्ताले यस्तो बताएका हुन्।

चितवनमा पहिलो पटक मुस्लिम महिलालाई लक्षित गरि शसक्तिकरण तथा कानुनी प्रशिक्षण दिइएको हो।

कार्यक्रममा भरतपुर उपमहानगरपालिकाका सामाजिक विकास अधिकृत रामकृष्ण ढकालले समुदाय लक्षित कार्यक्रम कार्यक्रमका लागि बजेट आउने भएकाले समुदाय लक्षित कार्यक्रम गर्नपुर्नेमा जोड दिनुभयो। कार्यक्रमका प्रमुख अतिथी समेत रहनुभएका अधिकृत ढकालले समुदाय लक्षित कार्यक्रमले समाज रुपान्तरणमा टेवा पुग्ने समेत बताउनुभयो।

कार्यक्रममा मुस्लिम समुदाय चितवनका अध्यक्ष युसुफ दिन मियाले समग्र समुदाय नै पछि परेको अवस्थामा मुस्लिम महिला पछि पर्नु स्वाभाविक भएपनि आफ्नो हक अधिकारका लागि अब आफै जाग्नुपर्ने धारणा राख्नुभयो । गीतानगर, शारदानगर, जुटपानी, खोलेसिमल, भरतपुर क्षेत्रका करिव ५५ जना मुस्लिम समुदायका महिला प्रशिक्षणमा सहभागी छन्।

सो अवसरमा जिल्ला महिला पैरवी मञ्च चितवनका अध्यक्ष शकुन्तला शाही ठकुरीले आफूहरू सँधै निश्चित वर्ग , समुदाय लक्षित कार्यक्रम गर्दै आएको जानकारी दिनुभयो।

उहाँले विगतमा एकल र चेपाङ महिलालाई पनि शसक्तिकरण सम्बन्धि कार्यक्रम सञ्चालन गरेका बताउनुभयो।
चितवनमा करिव ४ हजारको हाराहारीमा मुस्लिम समुदाय बसोबास गरेको मुस्लिम समुदाय चितवनका सचिव जुम्मादिन मियाले जानकारी दिनुभयो।

प्रकाशित मितिः २०७२ साउन १८ गते साेमवार

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: