रहस्यमय बन्दै, जलेकी गीताको घटना


थप उपचारको लागि काठमाडौ लगियो

प्रकाशित मिति :2015-08-04 12:10:47

महिला खबर 

नेपालगन्ज, साउन १९ । आगोले जलेकी बर्दिया, मोहम्मदपुर–१ गणेशपुरकी ३५ वर्षीया गीता नेपाली शेषको घटना रहस्यमय बन्दै गएको छ । आफन्त र गीता आफैले मट्टीतेल खन्याएर आफै आँगो लगाएको दाबी गरे पनि घटनाको प्रकृति अध्ययन गर्दा घटना रहस्यमय भएको प्रहरीले जनाएको छ ।

घटनास्थलमा मट्टितेल खन्याएको कुनै संकेत नमिलेको र ढिलो गरि जानकारी पाएकाले सघन रुपमा अनुसन्धान अघि बढाएको जिल्ला प्रहरी कार्यालय बर्दियाका प्रहरी उपरीक्षक गोविन्दराम परियारले जानकारी दिनुभयो ।

पीडित महिलाले नै घटना विवरण लुकाएकाकारण समस्या भएको छ । परिवारका सदस्यहरूको बयान एक अर्कामा बाझिएको प्रहरीले जनाएको छ ।

गीताका श्रीमान नैमुद्दिन शेषले दोस्रो विवाह गरिसकेका छन् । दुई छोरीकी आमा गीतालाई थाहै नदिई उनले भारत गुजरात गएका बेला त्यहीबाट अर्को विवाह गरेर नेपाल आएका थिए ।

नैमुद्दिनले दोस्रो विवहा गरेपछि गीता र नैमुद्दिनको बीचमा खटपट चलिरहेको गीताकी भाई बुहारी पार्वती नेपालीले जानकारी दिनुभयो ।
गीता शुक्रबार राति करिब ९ बजे जलेकी हुन् । नेपालगन्जस्थित भेरी अञ्चल अस्पतालमा उपचार गराइरहेकी उनको स्वास्थ्य अवस्था गम्भीर भएकाले एम्बुलेन्स मार्फत् काठमाडौं लगिएको छ । गीताका हात, खुट्टालगायत शरीरका अधिकांश भाग आगोले जलेका छन् ।

उनलाई अग्नी हिंसा पीडित नेपाल नामक संस्थाको सहयोगमा एम्वुलेन्समार्फत सोमवार साँझ काठमाडौ पठाईएको हो । महिलामाथि भएको आगजनीको नेपालगन्जस्थित महिला अधिकारकर्मीहरूले विरोध गरेका छन् ।

प्रकाशित मिति २०७२ साउन १९ गते मंगलवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: