गर्भ जाँच नगराए जरिबाना


गर्भवती तथा सुत्केरी आमाको स्वास्थ्य बारे परिवारसँग परामर्श

प्रकाशित मिति :2015-08-05 12:46:00

महिला खबर
बाजुरा, साउन २०। छताराका महिलाले नियमित स्वास्थ्य जाँच नगर्ने गर्भवतीलाई नगद जरिबाना गर्ने निर्णय गरेका छन्। गाविसमा गर्भवतीे महिलालाई नियमित गर्भ जाँच गर्न दवाव दिने गरी आमा समूह मार्फत नगद जरिबाना गर्ने लिखित निर्णय गरेका हुन्।

आमा समूहले गाँउमा रहेका महिलाको नियमित चेक जाँच र सुत्केरी हुने मिति बारे जानकारी लिने र त्यो नगरिए प्रति व्यक्ति एक पटकको ५० रुपैयाँ जरिवाना गर्ने निर्णय गरिएको स्वास्थ्य स्वयंसेविका शान्तादेवी रावलले जानकारी दिनुभयो। त्यस्तै महिला समूहहरूले गर्ने नियमित बैठकमा उपस्थित नहुँदा २० रुपैयाँ जरिबाना गर्ने समेत निर्णय गरेका छन्। जरिबाना वापतको रकम आमा समूहको बचत खातामा जम्मा गर्ने उनीहरूले बताए।

गर्भवती महिलाहरू नियमित गर्भ जाँच गराउन नजाने र यसका कारण बच्चा र आमा दुबैको स्वास्थ्य खतरामा पर्ने गरेको कारण महिला समूहले यस्तो यस्तो निर्णय गरेको उनीहरूको भनाइ छ । यो निर्णयले गर्भवती महिलाको स्वास्थ्यमा पहुँच पुर्‍याउनेमा आशावादी रहेको रावलले बताउनुभयो।

समूहमा आवद्ध गाँउका २५ जना महिलाले मासिक बचत गर्ने समेत निर्णय समेत गरेका छन्। गर्भवती आमा र सुत्केरीलाई समस्या पर्दा आवश्यक सहयोग गर्न समूहको बचत खाता बनाएर पैसा जम्मा गर्ने गरेको स्थानिय महिला मनसरा रावलले बताउनुभयो। समूहमा आवद्ध महिला गाँउमा मासिक रुपमा नियमित बैठक बस्ने, गर्भवती तथा सुत्केरी आमाको स्वास्थ्य अवस्था बारे जानकारी लिने, स्वास्थ्य चेतना दिने सासु ससुरा, श्रीमानसँग उनीहरूको स्वास्थ्य अवस्था ख्याल गर्ने गरी परामर्श दिने गरेका छन्।

गाँउमा आमा समूह गठनपछि स्वास्थ्य संस्थामा सुत्केरी गराउनेको संख्या बढेको साथै गर्भ नियमित चेकजाँच गर्नेको संख्यामा वृद्धि भएको छतारा स्वास्थ्य चौकीका अहेब कुवेर सिंहले जानकारी दिनुभयो। साथै उनीहरूलाई स्थानिय उत्पादन हरियो सागपात र अन्य खाद्यान्न वालीको महत्व बारे पनि जानकारी दिने गरिएको छ। छतारा गाविस पुग्न सदरमुकामबाट दुई दिन पैदल हिड्नुपर्छ।

प्रकाशित मितिः२०७२ साउन २० गते बुधवार

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: