विधान महिलामैत्री बनाउन माग


प्रकाशित मिति :2015-08-07 15:31:31

महिला खबर 

पोखरा, साउन २२। पोखरा उद्योग वाणिज्य संघको २२ वर्ष पछि संशोधन हुन लागेको विधानलाई महिलामैत्री बनाउन महिला उद्यमीहले माग गरेका छन्। संघको विधान साउन २३ गते शनिबार संशोधन हुँदैछ। हाल २१ सदस्यीय संघको कार्यसमितिमा अहिलेसम्म महिलाका लागि आरक्षणको व्यवस्था गरिएको छैन। खुला प्रतिष्पर्धाबाट निर्वाचित ३ जना महिला अहिले कार्यसमिति सदस्य छन्।

पछिल्लो समय उद्यमी एवं व्यवसायीक महिलाको संख्या बढ्दै गएको भन्दै व्यवसायीको छाता संगठन उद्योग वाणिज्य संघ महिलामैत्री हुनुपर्र्ने तर्क केन्द्रीय सदस्य हिरा भट्टराइको छ। अहिले हरेक निकायमा ३३ प्रतिशत महिला सहभागिताको आवाज उठिरहेक बेला संघ महिला प्रति अनुदार हुनुहुँदैन, संशाेधन विधानमा कम्तिमा महिलाका लागि ३ जनाका लागि आरक्षण कोटा छुटाउनु पर्छ’, भट्टराइले भन्नुभयो।

कार्यसमितिमा महिलाको संख्या बढ्न सकेन भने महिला व्यवसायीका मुद्दा स्थापित गर्न नसकिने उहाँको भनाइ छ। विधानमा अध्यक्षले ४ जना सदस्य मनोनित गर्न पाउने प्रावधान छ। विधानबाट ती ४ मध्ये कम्तीमा १ जना महिला हुनुपर्ने सुझाव महिला उद्यम विकास उपसमिति संयोजक विन्दु कोइराला दिनुहुन्छ। ‘सँधै पुरुषले निर्णय गर्ने र हस्ताक्षर गर्ने भुमिकामामात्र महिलालाई प्रयोग गरिएको र अब महिलाको निर्णायक अधिकारलाई पनि विधानले समेट्नु पर्ने उहाँ बताउनुहुन्छ। संघ कि कार्य समिति सदस्य सिता गुरुङले २२ वर्ष पुरानो विधानले महिलामाथि न्याय गर्न नसकेको प्रतिक्रिया दिनुभयो।

संघमा कुल सदस्य संख्या २२ सय ६१ मध्ये २५७ जना महिला सदस्य छन्।

प्रकाशित मितिः २०७२ साउन २२ गते शुक्रवार

    Comment Here!

Related NEWS
मुख्य खबर

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

गैर सरकारी एकान्तबास

-मिश्र वैजयन्ती- सबभन्दा मायालाग्दो देखिएको छ भर्खरै किनेको बुट्टेदार सिरानीको खोल ।

गांधारी

-रञ्जना लिम्बू- ए गांधारी! चढेर युगहरुको अक्कर भीरहरु नाघेर सभ्यताका अग्ला पहाडहरु यहाँसम्म आइपुगेर टक्क अडिएका छन मेरा पाइलाहरु मलाई तिम्रो

Read more
© 2015.All rights reserved by mahilakhabar.com
%d bloggers like this: