श्रीमती हत्या आरोपमा श्रीमान पक्राउ


१४ महिने छोरीको जिवितै उद्दार

प्रकाशित मिति :2015-08-09 16:59:45

सञ्जिला तामाङ

bacchaरामेछाप, साउन २४ । श्रीमतीको हत्या गरेको आरोपमा मन्थली नगरपालिका ४ का रमेश विकलाई प्रहरीले शनिबार साँझ पक्राउ गरेको छ । सुकाजोर खोला नजिकै जंगलमा हत्या गरेको अवस्थामा उनकी श्रीमती २९ वर्षीया इन्द्रा खत्री विकको शनिबार दिउँसो शव फेला परेको थियो । उनकी १४ महिनाकी छोरी रोजिना विकको भने जिवितै उद्दार गरिएको छ । आरोपी नेपाली सेनामा कार्यरत हुन् ।

जिल्ला प्रहरी कार्यालय रामेछापका अनुसार शनिबार दिउँसो वस्तु चराउन गएका गोठालाले जंगलमा बच्चा रोएको सुनेपछि हेर्न जाँदा बालिकालाई जिवितै फेला पारी प्रहरीमा खबर गरेका थिए ।

प्रहरीले जंगलमा बालिका रहेको स्थानभन्दा १५ मिटरमाथि महिलाको शव फेला पारेको थियो । उनको अनुहार र टाउकोमा ढुङ्गाले हिर्काएका चोट छन् भने घाँटीमा सल बाँधिएको थियो । शव बाटो छेउमा घोप्टो परेको अवस्थामा फेला परेको प्रहरीले जनाएको छ ।  बालिकाको दाहिने आँखा माथि हिर्काएको निलडाम छ । चोटको कारण उनको आँखामा रगत जमेको छ । बालिकाको उपचार मन्थली स्थित तामाकोसी सहकारी अस्पतालमा भइरहेको छ ।

सुर्खेतको छिन्चुबाट श्रीमान भेट्न साउन २० गते रामेछाप आएकी ती महिला सो रात मन्थलीको भैसेसुरस्थित खड्क कुमारी श्रेष्ठको होटलमा बास बसेकी थिइन् । रामेछापमा रहेका पतिलाई भेट्न भनि उनी २१ गते विहान होटलबाट रामेछाप बजार पुगेकी थिइन् । २२ गते दिउँसो पुनः होटलमा फर्किएकी इन्द्रा अपरान्ह ४ बजेतिर पतिले फोन गरेर बोलाएको भन्दै होटलबाट निस्किएको होटल मालिक खड्ग कुमारी श्रेष्ठले बताइन् ।

‘छोरीलाई खाजा खुवाएर श्रीमानको फोन आयो भनि निस्किएकी थिइन् । श्रीमानको सरुवा छिन्चु तिरै मिल्ने भयो । सामान लिएर आउनुभनेका छन् । म गएँ भनेर निस्किएकी थिईन् । ऐले त लाश पो भेटिएछ । यो के अचम्म”– उनले भनिन् ।

मृतकको शव प्रहरीले शनिबार अपरान्ह मन्थली ल्याएको छ । माइतीपक्ष आईपुगेपछि उनको पोष्टमार्टम हुने प्रहरीले जनाएको छ । सुर्खेतको छिन्चु १ सुर्खेत माइती भएकी इन्द्राले रामेछापको रामेछाप नगरपालिका ४ डुम्रिबोटका २६ वर्षीय रमेश कामीसँग २०७० असार १३ गते विवाह गरेकी थिइन् । नेपाली सेनामा कार्यरत उनले सुर्खेतमा जागिरमा गएको बेला विवाह गरेको खुलेको छ । परिवारका सदस्यहरूलाई जानकारी नदिई उनले खत्रीसँग दोस्रो बिबाह गरेका थिए । प्रहरीको हिरासतमा रहेका रमेशले हत्या आफैले गरेको स्विकारको प्रहरीले जनाएको । घटना बारे थप अनुसन्धान भइरहेको प्रहरीले जनाएको छ ।

प्रकाशित मितिः २०७२ साउन २४ गते आईतवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: