गैरदलित महिला जातीय विभेदमा छैनन्


प्रकाशित मिति :2015-08-10 17:18:44

महिला खबर

काठमाडौं, साउन २५ । नयाँ संविधानमा केन्द्रमा ३ संघमा ५ र स्थानीय तहका व्यवस्थापिकामा १० प्रतिशत प्रतिनिधित्व लगायतका ९ बुँदे माग गर्दै शुरु भएको दोस्रो चरणको आन्दोलनको नेतृत्व दलित महिलाले गरेका छन् । दलित महिलाले गरेको -यालीपछि बानेश्वरमा गरिएको कोणसभामा दलित तथा महिला अधिकारकर्मी दुर्गा सोबले नयाँ संविधानमा दलित महिलाका मुद्दालाई सम्बोधन गर्न राजनीतिक दल र शीर्ष नेतृत्वको ध्यानाकर्षण गराउनुभयो ।

उहाँले दलित पुरुष लैङ्गिक विभेदमा छैनन् तर दलित महिला लैङ्गिक विभेदमा छन्, गैरदलित महिला जातीय विभेदमा छैनन् तर दलित महिला जातीय विभेदमा पारिएका छन् भन्दै महिला त्यसमा पनि दलित महिला आर्थिक, सामाजिक र राजनीतिक विभेदमा पारिएका छन् भन्दै उनीहरूका लागि नयाँ संविधानमा विशेष व्यवस्था हुनुपर्नेमा जोड दिनुभयो ।

नयाँ संविधानमा दलित महिलाभित्रको ३३ प्रतिशतभित्र दलित महिलाको समानुपातिक प्रतिनिधित्व र दलितभित्र ५० प्रतिशत प्रतिनिधित्वको सुनिश्चितता गर्न संविधानसभा र राजनीतिक दलको शीर्ष नेतृत्वसँग माग गर्नुभयो ।

सभालाई सम्बोधन गर्दै एमाओवादी केन्द्रीय सदस्य अन्जना विशंखेले अधिकार प्राप्तिका आन्दोलित दलित समुदायमाथि राज्यले दमन गरेको प्रति घोर भर्त्सना गर्दै घाइतेको सीघ्र स्वास्थ्यलाभको कामना गर्नुभयो । उहाँले घाइतेलाई निःशुल्क उपचार गर्न माग गर्नुभयो । पहिलो चरणको आन्दोलनकाक्रममा २६ अधिकारकर्मी घाइते भएका थिए ।

उहाँले दलित महिलाको आन्दोलनलाई कम नआँक्न आग्रह गर्दै आफूहरुको आन्दोलन अधिकार सुनिश्चित नभएसम्म नरोकिने भन्दै आन्दोलनमा होमिन सबैलाई आग्रह गर्नुभयो ।

अधिकारर्मी रीता साहले राज्यको स्रोतसाधन र सेवा सुविधाका हिसाबले सबैभन्दा पछाडि पारिएका दलित त्यसमा पनि दलित महिलाका मुद्दा नयाँ संविधानमा सुनिश्चित गर्न शीर्ष नेतृत्वलाई आग्रह गर्नुभयो । कार्यक्रममा सभासद् कमला विश्वकर्माले पहिलो संविधानसभा र विषयगत समितिले निक्र्यौल गरि पठाएका दलितका मुद्दामा दलहरु सहमत भएपनि मस्यौदा आउँदा दलितका अधिकार एकाएक कटौती गरिएकाले आफ्ना अधिकार सुनिश्चित गर्न माग गर्नुभयो ।

माओवादी नेता अनिता परियार, जनमोर्चाकी नेतृ मनु विश्वकर्मा, पूर्व सभासद् पद्मलाल विश्वकर्मालगायतले दलित समुदायले आफ्ना हकहित र अधिकार प्राप्तिका लागि गरेको दोस्रो चरणको आन्दोलनलाई सरकार र राजनीतिक दलले सम्बोधन गर्नुपर्ने माग गर्नुभयो ।

उहाँहरुले यसलाई कमजोरीको रुपमा लिइयो र फेरिपनि दलितलाई अधिकारविहीन बनाउने षड्यन्त्र राज्यले गर्नखोजे त्यसको मूल्य चर्को पर्ने भन्दै राजनीतिक दल र शीर्ष नेतृत्वलाई चेतावनी दिएका थिए । यसैबीच आन्दोलनको कार्यक्रम अन्तर्गत भोलि साउन २६ गते देशैभर दुइघण्टा चक्काजाम गर्ने कार्यक्रम तय भएकाले संयुक्त दलित आन्दोलन नेपालले जानकारी दिएको छ ।

प्रकाशित मिति २०७२ साउन २५ गते सोमवार

 

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: