प्रेम विवाह सम्बन्ध विच्छेदको कारण


प्रविधिको गलत प्रयोगले समस्या बढ्दै

प्रकाशित मिति :2015-08-14 10:45:55

खेमा बस्‍नेत

डोटी , साउन  २९ । आर्थिक वर्ष २०६९/७० मा डोटी जिल्ला अदालतमा सम्वन्ध विच्छेदका पाँचवटा मुद्दा दर्ता भए । दर्ता भएका पाँच मुद्दामा चारवटा सोही वर्ष फैसला भए भने एउटा २०७०/०७१ मा सर्‍यो । २०७०/०७१ मा पनि थप पाँच वटा मुद्दा दर्ता भए । पछिल्लो वर्षवाट सरि आएको एक र सो वर्षका पाँच गरी ६ वटा मुद्दामध्ये दुई मुद्दा  अदालतबाट फैसला भए दुईमा मिलापत्र भयो र दुई आर्थिक वर्ष २०७१|०७२ मा सरे । आर्थिक वर्ष २०७१/०७२ मा डोठी जिल्ला अदालतमा  ११ वटा सम्वन्ध विच्छेदका मुद्दा दर्ता भए । गत वर्षवाट सरेर आएका दुईवटासहित ११ वटा मुद्दामा आठ वटा मिलापत्रमा टुंगिएका छन्, तीनवटा अदालतबाट फैसला भएका छन् भने दुईवटा चालु आर्थिक वर्षमा सरेका छन् ।  सम्वन्ध विच्छेद बढ्नुको कारण के हुन सक्छ ? सुरक्षित अल्पकालिन जिल्ला महिला सेवा केन्द्र डोटीकी प्रमुख देवकी वोहरा भन्छिन् ‘मुख्य कारण प्रेम विवाह नै हो ।’ उनका अनुसार कलिलो उमेरमा प्रेम सम्वन्ध राखी  परिवारको सहमतिविना विवाह गर्ने र पछि  कुरा नमिल्दा सम्वन्ध विच्छेद गर्ने प्रवृत्ति बढेको छ । यसका साथै वालविवाह, वहुविवाह पनि यसको कारण भएको वोहराले वताईन् । ‘प्रविधिको दुरुपयोग भएका कारण पनि यो समस्या आएको छ’ वोहरा भन्छिन् ‘फोन वा फेसबुकमै भएको कुराकानीका आधारमा विवाह गर्ने र पछि सँगै वस्न नसक्ने अवस्थामा नभएपछि सम्बन्ध विच्छेद गर्ने चलन बढेको छ ।’

डडेल्धुरामा कार्यरत पत्रकार सम्झना पाण्डे पनि प्रेम विवाहका कारण यो समस्या आएको वताउँछिन । उनी भन्छिन् ‘फोन वा फेसबुकको प्रयोगवाट प्रेम सम्वन्ध भइ बिहे गरेकाहरूको सम्बन्धमा समस्या देखिएको छ । उमेर नपुगी  बिहे गर्नु, अन्तरजातिय बिहे पनि  सम्बन्ध विच्छेदको  कारण भएको उनको बुझाई छ । यसैगरि महिला सशक्त भएर घरेलु हिंसा सहनु भन्दा अलग भएर बस्नु उपयुक्त ठानेर पनि पछिल्लो समयमा सम्वन्ध विच्छेद गर्ने गरेको सम्झनाले वताईन् ।  उमेर नपुगी प्रेम विवाह गर्ने कारण समस्या आएको कुरामा सहमति जनाउँछन् अधिकारकर्मी अधिराज बिसी । उनी भन्छन् ‘महिला सशक्त भएर स्वतन्त्र वस्न पनि चाहन्छन्, यसले गर्दा पनि सम्वन्ध विच्छेदका घटना बढेका हुन् ।

अधिवक्ता शंकरदीप मडै  भने परम्परागत तरिकाबाट कानुनी दायरामा नआइ गाउँघर मै पहिलेपनि सम्वन्ध विच्छेद हुने गरेको तर, अहिले यस्ता घटनाको मुद्दा अदालतमै  आउन थालेपछि संख्या बढेको देखिएको  बताउँछन् । ‘घरेलु हिंसाका वारेमा पहिले महिलालाई ज्ञान नभएर पनि सहेर बस्ने गर्थे तर अहिले ती घटनाहरू वाहिर आउन थालेका छन्, मडै भन्छन् ‘प्रेम बिवाह र वालबिवाह पनि यसको कारण हो ।’

प्रकाशित मिति : २०७२ साउन २९ गते शुक्रवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: