आँखामा खुर्सानीको धुलो हालिदिने श्रीमानविरुद्ध उजुरी


प्रकाशित मिति :2015-08-14 12:20:27

सञ्जिला तामाङ

Khursaniरामेछाप, साउन २९ । आँखामा खुर्सानीको धुलोले हानेर घाइते बनाउने श्रीमानविरुद्ध रामेछापको वाम्ति गाविस झोरेनीकी ३१ वर्षीया आङ्ग ल्हेमी शेर्पाले बिहीबार जिल्ला प्रहरी कार्यालय रामेछापमा उजुरी दिएकी छन् । उनले श्रीमानलाई कारबाही गरी  आफ्नो जीवन रक्षा गरीदिन प्रहरी समक्ष माग गरेकी छिन् ।

रामेछापको बाम्ती गाविसका ४५ वर्षीय सोनामले साउन २४ गते सामान्य घरायसी विवादपछि आफ्नो आँखामा खुर्सानीको धुलो हालिदिएको आङ्ग ल्हेमीले बताइन् । छोरालाई विद्यालयबाट लिएर घर फर्किएकी आङ्ग ल्हेमीलाई उनका श्रीमानले घर फर्कने वित्तिकै घरको आँगनमा ढुकेर खुर्सानीको धुलो आँखामा हालिदिएका थिए । आँखामा खुर्सानीको धुलो हालेपछि आँखा फुटाईदिने भन्दै लामाले दुवै आँखामा औँलाले घोचिदिएको पीडितले बताइन् ।

 उनीसँगै विद्यालयबाट फर्किएका उनका ४ वर्षका छोरा फुर्वा शेर्पाको समेत लामाले घाँटी निमोठ्न लागेपछि उनलाई छिमेकीले छुट्याएका थिए । लामाले यसअघि पनि आफूलाई यातना दिने गरेको पीडित महिलाले बताइन् ।

४ वर्षअघि सामाजिक परम्परा अनुसार उनीहरूको विवाह भएको हो । यसअघिपनि उनीहरू वीचको विवाद मिलाउन  स्थानीय प्रहरीले वारम्बार प्रयास गर्दा पनि सफल नभएपछि जिल्ला सदरमुकाम आएको आङ्ग ल्हेमीले बताइन् । आँखामा खुर्सानी हालिदिएपछि २ दिनसम्म आँखा देख्न नसक्ने भएकी आङ्ग ल्हेमी आँखा केही देख्न सक्ने भएपछि बुधबार घरबाट हिँडेर विहीबार सदरमुकाम मन्थली आईपुगेकी हुन् । प्रहरीले उनका पतिलाई बोलाएर छलफल गराउने र त्यसपछि आवश्यक कारबाही अघि बढाउने बताएको छ ।

प्रकाशित मिति : २०७२ साउन २९ गते शुक्रवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: