३ वर्षमा ८ जना महिला तथा बालिका बलात्कृत


प्रकाशित मिति :2015-08-16 11:08:13

धनु राई

ओखलढुङ्गा, साउन ३१। ओखलढुङ्गामा विगत तीन वर्षमा ८ जना महिला तथा बालिका बलात्कृत भएको जिल्ला प्रहरी कार्यालय ओखलढुङ्गाले जनाएको छ। कार्यालयको तथ्याङ्क अनुसार तीन वर्षमा ८ जना महिला तथा बालिका बलात्कृत भएका हुन्।

आर्थिक वर्ष २०६९/७० यता ८ वटा जबरजस्ती करणी र ५ वटा सो उद्योगसम्बन्धी घटना दर्ता भएको प्रहरी निरीक्षक बैद्यनाथ यादवले जानकारी दिनुभयो। घटना दर्ता भएर अदालतबाट दोषी ठहर भईसकेका मध्ये १ जना फरार रहेको र अरु सबैले सजाय भोगिरहेको उहाँको भनाई छ। आर्थिक वर्ष २०६९/७० मा तिन वटा मुद्दा दर्ता भएका थिए।

यसैगरी २०७०/७१ मा सात वटा बलात्कारसम्बन्धी उजुरी जिल्ला प्रहरी कार्यालयमा दर्ता भएका थिए भने आर्थिक वर्ष २०७१/७२ मा चारवटा जबरजस्ती करणी र सो उद्योगसम्बन्धीका मुद्दा दर्ता भएको प्रहरीले जानकारी दियो।

चालु आर्थिक वर्षको साउनसम्ममा यस प्रकारका कुनै मुद्दा दर्ता भएका छैनन्। बलात्कार भएको दोषी प्रमाणित भएमा कानुनतः १० वर्षमुनिका बालिका भए १० देखि १५ वर्षसम्म कैद, १० वर्षभन्दामाथि १४ वर्षमुनिका बालिका भए आठदेखि १२ वर्षसम्म कैद, १४ वर्षमाथि १६ वर्षमुनिका बालिका भए ६ देखि १० वर्षसम्म कैद, १६ वर्षभन्दामाथि २० वर्षमुनिका बालिका भए पाँचदेखि आठ वर्षसम्म र २० वर्षदेखिमाथिका महिला भए पाँचदेखि सात वर्षसम्म कैद सजाय हुने व्यवस्था रहेको छ।

प्रकाशित मितिः २०७२ साउन ३१ गते अाईतवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: