दीर्घकालिन योजना ल्याउनुस् : उपाध्यक्ष भवानी राणा


प्रकाशित मिति :2015-08-16 11:18:01

महिला खबर

नेपालगन्ज, साउन ३१ । नेपाल उद्योग वाणिज्य महासंघकी वरिष्ठ उपाध्यक्ष भवानी राणाले महिला उद्यमीका समस्यालाई आफूले सक्दो सम्वोधन गर्ने प्रतिवद्धता जनाउनु भएको छ ।

उद्योगी व्यापारीहरूको छाता संगठन महासंघको वरिष्ठ उपाध्यक्षमा निर्वाचित भएपछि गृहनगर नेपालगन्ज आउनु भएकी राणाले नेपालगन्जका महिला उद्यमीका समस्याका वारेमा छलफल गर्दै यस्तो प्रतिवद्धता जनाउनु भएको हो ।

‘महिला उद्यमीलाई फाईदा पुग्ने दीर्घकालिन ठूलो योजना लिएर आउनुस्, त्यसलाई म केन्द्रबाटै योजनामा पार्न हरसम्भव प्रयास गर्नेछु ।’–वरिष्ठ उपाध्यक्ष राणाले भन्नु भयो–‘महिला उद्यमीलाई प्रोत्साहन र सहयोग गर्न म सदैव तत्पर रहने छु ।’

महिलाले उत्पादन गरको वस्तु र व्यवसायको वजारीकरण नभएको, महिलाले वहुराष्ट्रिय कम्पनीका उत्पादनसँग प्रतिष्पर्धा गर्नु परेको, विद्युत नियमित नहुँदा उत्पादनमा प्रभाव परेको लगायतका समस्या वरिष्ठ उपाध्यक्ष राणा सामु आफुहरूले राखेको नेपालगन्ज उद्योग वाणिज्य संघकी उपमहासचिव रचना श्रेष्ठले जानकारी दिनु भयो ।

यस क्षेत्रमा महिलाले उत्पादन गर्ने वस्तु तथा सेवाको बजारीकरणको लागि कोशेली घर स्थापनाको लागि पहल गरिदिन समेत नेपालगन्जका महिला उद्यमीले राणा समक्ष प्रस्ताव गरेका छन् ।

नेपाल उद्योग वाणिज्य महासंघको गरिमामय वरिष्ठ उपाध्यक्ष पदमा निर्वाचित हुनुभएकोमा राणालाई नेपालगन्ज उद्योग वाणिज्य संघ र महिला उद्यमी विकास समितिले नेपालगन्जमा स्वागत सम्मान समेत गरेका छन् ।
वरिष्ठ उपाध्यक्ष राणाको प्रतिवद्धताले आफूहरुलाई हौसला मिलेको नेपालगन्ज उद्योग वाणिज्य संघ महिला उद्यमी विकास समितिकी संयोजक कुशुम बस्नेतले बताउनुभयो ।

प्रकाशित मिति २०७२ साउन ३१ गते आइतवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: