मानव वेचविखनविरुद्ध युवा सक्रिय


प्रकाशित मिति :2015-08-17 09:43:09

 रमला सिंगक

huma2

सुनसरी, साउन ३२ । भूकम्पपछि महिलावेचविखन बढेको भन्दै धरानका चारजना युवाको एक समूहले स्वस्फुर्त रुपमा मानव वेचविखनविरुद्ध आईतबारदेखि हस्ताक्षर अभियान सुरु गरेको छ । हस्ताक्षर अभियान संचालन गर्दा कम्तिमा हजार जनालाई जानकारी दिन सकेमा महिला दलालको फन्दामा पर्नबाट जोगाउन सकिने संयोजक विकि पोद्धारले बताउनुभयो । विभिन्न कार्यक्रमको इभेन्ट म्यानेजमेन्ट गर्ने व्यवसाय गर्ने व्लु पिंक नामक संस्थाका म्यानेर समेत रहेका पोद्धारलाई ममता राई, सन्चा राई र दीपचन्द्र राईले साथ दिएका छन् ।

तर, सामाजिक जिम्मेवारी महसुस गर्दै उनीहरूले महिला वेचविखनविरुद्ध अभियानमा सक्रिय रहेको बताए । चेलीवेटी वेचविखन जस्तो अमानवीय कार्यलाई रोक्न सर्वसाधारणलाई सचेत बनाउन हस्ताक्षर अभियान संचालन गरेको पोद्धारले बताउनुभयो ।

हस्ताक्षर अभियानका लागि धरानस्थित पुतलीलाइनमा व्यानरसहित महिला वेचविखन नियन्त्रणका लागि गरिने प्रयास र उपायबारे लेखिएका पर्चा, पम्प्लेटलगायत विभिन्न संचारमाध्यममा आएका समाचारसमेत प्रदर्शनीमा राखि उनीहरूले वितरण गरिरहेका छन् । महिला वेचविखनविरुद्ध हस्ताक्षर अभियान संचालन गर्न पहिले आफ्नै र अहिले संस्थाको कोष वृद्धिका लागि च्यारिटी कार्यक्रम पनि गरेको पोद्धारले बताउँनुभयो ।

उहाँका अनुसार च्यारिटी गर्नका लागि एक हजार रुपैयाँ दान गर्नेले सोही रकम भित्र स्थानीय होटलमा एक छाक खाना खान पाउने कुपन दिने गरिएको छ । मानव वेचविखनविरुद्ध हस्ताक्षर अभियानका लागि माइती नेपालले पर्चा पम्प्लेट उपलव्ध गराएको ममता राईले बताउनुभयो ।

उहाँले भन्नुभयो, ‘बालबालिका, किशोरी र महिलालाई सचेत गराउन आयोजित हस्ताक्षरलाई आगामी भदौ १९ गतेपछि माइती नेपाललाई बुझाउने छौं ।’ अर्का सदस्य सन्चा राईले अभियानलाई निरन्तरता दिन आगामी भदौ १९ गते मानव वेचविखनविरुद्ध दिवसमा जनचेतना मुलक ¥याली गर्ने तयारी पनि भइरहेको बताउनुभयो । उहांले भन्नुभयो, ‘हामीले गरेको सानो प्रयासले कोही महिला बेचिनबाट बच्न सक्छन् भने किन अभियान नगर्ने भनेर सामाजिक चेतना जगाउन लागेको हो ।’

प्रकाशित मितिः २०७२ साउन ३२ गते साेमवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: