मैयादेवी श्रेष्ठद्वारा आफ्नो सम्पत्ति ट्रष्टलाई


प्रकाशित मिति :2015-08-19 16:55:42

सृजना अर्याल

चितवन, भदौ २ । दानकी देवीको रुपमा परिचित पूर्व सांसद मैयादेवीले आफ्नो नाममा रहेको ८ करोड रुपैयाँ बराबरको घर र जग्गा मैयादेवी ट्रष्टको नाममा हस्तान्तण गर्नु भएको छ ।  नारायणगढको पुतलीसडकमा रहेको मैयादेवी श्रेष्ठको घर र जग्गा वुुधवार एक कार्यक्रमका बीच शिक्षा मन्त्री चित्रलेखा यादवले ट्रष्टलाई हस्तान्तरण गर्नु भएको हो ।
सो अवसरमा मन्त्री यादवले मैयादेवीको परिचय नै दान भएको बताउनु भयो । मैयादेवीले महिला शिक्षालाई प्राथमिकता दिँदै कलेज खोल्नु भएको भन्दै गुणस्तरिय शिक्षा मार्फत नै शिक्षा क्षेत्रमा गरिएका सबै प्रतिवद्धता पुरा गर्न सकिने आधार भएको मन्त्री यादवले बताउनुभयो ।

मैयादेवी श्रेष्ठ सांसद रहेको बेला विदेशमा भएका कार्यक्रममा नेपालीको कुरा राख्न आफूलाई सँधै सुझाव दिने गरेको विगतलाई सम्झिँदै उहाँकोे दृढ संकल्प र साहसको प्रसंशा गर्नुभयो ।

मैयादेवीले नारायणगढ बालकुमारी कन्या विद्यालयलाई १० कट्ठा जग्गा आमाको नाममा उपलब्ध गराउनु भएको छ । उहाँले चितवनमा नै पहिलोपटक मैयादेवी कन्या क्याम्पस पनि खोल्नु भएको छ ।

IMG_9624

कार्यक्रममा बोल्दै सभासद गीता वाग्लेले दानीलाई हानी हुँदैन भन्ने उदारहण मैयादेवी श्रेष्ठ भएको भन्दै उहाँ नेपालकै गौरव भएको विचार राख्नुभयो । अर्का सभासद सावित्री चौधरीले मैयादैवीको ट्रष्ट सबैको भएको भन्दै यसको संरक्षणमा लाग्न सबैलाई आग्रह गर्नुभयो । यस अवशरमा मैयादेवी छात्रावृतिकोषका लागि १ लाख रुपैयाँक र श्रुजश्री पत्रकारिता पुरस्कारका लागि १ लाख १ हजार रुपैयाँको चेक पनि हस्तान्तरण गरियो । मैयादेवी श्रेष्ठ तनहुँ जिल्लामा वि.स १९८५ असोज ५ गते फुलपातीको दिन जन्मनु भएको थियो ।

श्रेष्ठले आफ्नो जिवनको लामो समय राजनीति र समाजसेवामा विताउनु भएको छ । वि.स २००३ सालमा नेपाली राष्ट्रिय कांग्रेसमा प्रवेश गर्नुभएकी उहाँले २००८ सालमा तनहुँ मै सामाजिक नारी संघ स्थापना गरि समाज विकासको ढोका खोल्नु भएको थियो । उहाँ २०४८ सालको आम निर्वाचनमा गोर्खा क्षेत्र नं २ बाट जितेर पहिलोपटक सांसद हुनुभएको हो ।

उहाँले नेपाली काग्रेंस केन्द्रीय कार्यालय, जिल्ला कार्यालय र वडा कार्यालयका लागि समेत जग्गा दिनुभएको छ । बुधवार नै नेपाल प्रेस युनियन चितवनका लागि पनि कार्यालय भवन निमार्णका लागि भरतपुर उपमहानगरपालिकामा जग्गा दिने घोषणा गर्नुभयो ।

श्रेष्ठले आफ्नो आश्रयमा रहेका र आफूले पालेका विभिन्न परिवारलाई ३३ करोड ५७ लाख रुपैयाँको भूमि दान गरिसक्नु भएको छ । उहाँले सामाजिक एवं धार्मिक संघ संस्था, पाटी पौवा, धर्मशालाहरूमा करिव १२ करोड रुपैयाँ सहयोग गर्नुभएको छ । ट्रष्टलाई घर जग्गा र नगद हस्तान्तरण गर्दै मैयादेवी श्रेष्ठले आफ्नो नाममा रहेका वाँकी जग्गा, धन सम्पति एवं गरगहना समेत सामाजिक श्रेत्रमा दान गर्ने वताउनुभयो ।
श्रेष्ठले पछिल्लो समय आफ्नो स्वास्थ्य विग्रँदै गए पछि बाँकी रहेको सम्पति संस्थागत रुपमा सामाजिक क्षेत्रमा सहयोग पु¥याउन आफ्ना नाममा ट्रष्ट खोलेर हस्तान्तरण गरेको वताउनुभयो ।

प्रकाशित मिति २०७२ भदौ २ गते बुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: